Jisálamu 44:3 - O Mikanda Ikola

³ Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Jisálamu 44:3 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Jisálamu 111:6

Nguzu iê ia kukalakala ua ʼidikiza ku mundu uê, mu ku a bhana o undundu ua matumbu.

Jisálamu 17:7

Idikiza jihenda jé ji diuanesa athu; eie u mukua ku a kudila ku iiala, oso a lengela bhu mbandu ié.

Jisálamu 20:6

Kiki nga kʼijiia kiá kuma, Jihova u kudila muenexi uê ua mu undu ni maji; u mu ivua muene tunde ku diulu diê dikola, u mu banda ni uzonda ua lukuaku luê lua undanda.

Jisálamu 4:6

Sai athu avulu ala kuila: Tu sanga kuebhi o kibhuku? Jihova phe tu bhetukile ngó o pholo ié, kubenha kué ku tu tule.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 74:11

Lukuaku lué kifua ua lu sungu kiá muene, o lukuaku lué lua dilu? Katula-lu, Ngana, bhu homba; ki lu fule dingi ku a jikinisa.

Jisálamu 77:15

Povo ié i ua kula ni lukuaku lué, ene anʼa Jakobo ni Zuze. (Selah.)

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Jisálamu 80:16

Kiki uabhi mu túbhia, ua batujuka; mukonda pholo ié ia luuala, jithangu jê ja kukuta.

Jisálamu 80:9

Ua u iudikila kididi, muvide ua kuata, iu ua zande oxi ioso.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Dialuilu 14:8

Jihova hé ua tu uabhela, muene u tu bheka mʼoxi muenhumu, u tu bhana-iu, ixi ia mu kunguluka muene lete ni uiki.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Matendelelu 10:15

Hé kima Jihova kia mu tundu ku muxima uê, o ku zola jitata jenu, o kia fu ene iú ua mi tungula ue enu ku kala kota muʼaxaxe ka ifuẋi iamukuá, ki kia di monekena lelu.

Josuué 24:12

Eme nga tuamekesa imadimbuende ku pholo ienu, enhá ene a mi kaiela lusolo o jinguma bhu pholo ienu, kiòmuene ue ni sobha jiiadi ja Mamodi; xibhata ié-eie ki iene ia ki bhange, o mufula ué ki uene ue ua ki bhange.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.