Jisálamu 44:2 - O Mikanda Ikola

² Kioso o lukuaku lué ki lua kaia o matumbu, a kambe kuijiia Nzambi, anga u a phapha ene bhu kididi kiâ; ni kioso akuaʼxi ki ua a takula, hé a muangana; o ene-phe, a kuata, a zande.

Jisálamu 44:2 ပူးပေါင်းရင်းမြစ်များ

II Samuuele 23:12

Muene-phe u imana mu kaẋi ka díbhia u di bhângela, u jibha akua Fidíxia. Jihova anga a kalakala kubhanduluka kua kikóue kia dikota.

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

Jisálamu 105:44

Jixi ja matumbu anga u a bhana-ju ene; athu engi a kalakala, ene a a bhingana;

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 15:17

Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Makatukilu 15:19

Kuma o jikabalu ja Falaó, ni makalu mê, ni jikavalelu jê, a a bobesa; anʼa Izalaiele-phe ni muʼaxaxi ka kalunga endela bhoxi dia kukuta.

Makatukilu 23:28

Ngi tumikisa ue madimbuende ku pholo ienu, ende ni kukaia o Mahivi, ni Makanana, ni Mahiti, bhu pholo ienu.

Makatukilu 34:11

Aiuka kiambote kioso ki ngi ku ambela kizuua kia lelu; nga-nda kukaia bhu pholo ié, o Mamodi, ni Makanana, ni Mahiti, ni Mapelezi, ni Mahivi, ni Majebuzi.

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Dialuilu 13:32

Ixi iele mu kulonda, a kuata ku i bha fuma iaiibha ku anʼa Izalaiele, exi: Ixi i tuele kulonda ixi iaiibha, iala mu kúdia mienhu ia athu a tungu momo; akuaʼxi momo akua kitala kialebha.

Matendelelu 32:7

Uenda ni kulembalala jinga o izuua ia xahulu, Uxinganeka jinga o mivu ia miji ni miji ia kexile-ku iná; se kua kʼijiia, ibhula tatʼenu, muene a ku kundile-mu; se kia ku jimbi ibhula adiakimi, ene a-nda ku ku jimbuila-kiu!

Matendelelu 4:38

Iú ua kaiesa ifuẋi ia miji ia ku tundu eie mu ku kula ni mu ku suina, oxi ià iu ua i bhakela o ku ku bokuesa-mu eie, ni ku ku lunduisa-iu eie mu ubhinganu kala ki ua-lu ki mona leluʼiki.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Josuué 21:43

Jihova, mu ku bhanga kiki, ua bhana muene oxi ioso kua anʼa Izalaiele, ia lokelele o ku i bhana ku jitata jâ, o ene anga a i ívua muene, a tunga momo.

Josuué 24:12

Eme nga tuamekesa imadimbuende ku pholo ienu, enhá ene a mi kaiela lusolo o jinguma bhu pholo ienu, kiòmuene ue ni sobha jiiadi ja Mamodi; xibhata ié-eie ki iene ia ki bhange, o mufula ué ki uene ue ua ki bhange.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

Afundixi 6:13

Ngidiione anga u mu ambela, uixi: Ngana iami tata, Jihova se uala ni etu, ima ioso iii ia tu ijila-hi? o ikalakalu iê ia madiuanu ii kuebhi, ia kexi mu tu kunda adiʼetu, exi: Manhi ki Jihova muene ua tu katula mu Ijitu? Kikiphe Jihova ua tu ambudisa, iu ua tu bhakula bhu lukuaku lua Midiiana.