Jisálamu 44:11 - O Mikanda Ikola

¹¹ Eie ua tu bhakula, etu tua di bhange tu jimbudi jâ ja kúdia; ua tu muanga-muangena mu jixi ja akua matumbu kejiia Nzambi.

Jisálamu 44:11 ပူးပေါင်းရင်းမြစ်များ

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisálamu 106:27

uixi anʼenu hinu ngʼa sebulula muʼaxaxi ka matumbu, ngʼa muanga-muanga mu jixi joso.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Jisálamu 60:1

Ngana Nzambi, eie ua tu ambudisa, ua tu muange; eie ua tu luualela, tua diondo tu kudile!

Jelemiia 12:3

Maji, Jihova eie ua ngʼijiia, uene ku ngi mona; o muẋima uami kioso ki ua di tumu nʼeie, eie ua ki tongolola: Landameka-u enhó kala jimbudi jiia bhu dijibhilu, a iudike phala bhu kizuua kia kijibha.

Jelemiia 32:37

Tala-ze, eme nga-nda ku a bhongolola ku jixi joso ku nga a takuile mu njinda iami, ni mu kutema kuami, ni mu kuthathamana kuami kua vulu kinéne; nga-nda kutona dingi ku a bheka bhu kididi kienhiki anga ngi bhangesa kuila a tunga muenhomo, ni kudondama kuoso.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.