Jisálamu 44:10 - O Mikanda Ikola

¹⁰ Ua-lu tu bhesa lusolo, bhu pholo ia jinguma jetu; ió a tu zembe, ene a mu tu bhûnda, a tu bomona muene, o jimbote jetu joso a tu bu-ju.

Jisálamu 44:10 ပူးပေါင်းရင်းမြစ်များ

Jisálamu 60:12

Mu nguzu ia Nzambi tu bhanga muene undanda; kuma muene u titidila o jinguma jetu bhoxi.

Jisálamu 89:39

O Kikutu ki uate ni selevende iê kiedi kala kia ku kumu; kitundu kiê ua ki fukula, ni ku ki takuila mu mavu.

Jisálamu 89:41

Oso a bhita njila, a mu bhûnda-bhûnda; ua sebuka bhu pholo ia athu a tungu-nê bhua zukama.

Jisálamu 89:43

Xibhata ié ua i vutula kuema ku ia tundu, sobha kua mu fikidila mu ita.

Izaía 10:14

O lukuaku luamiʼlú lua bongo o umonhi ua ifuẋi mukua ni kikalanga, kala kiene mu kubhongolola o maiaki ma uʼehelele, kiene ue eme ki ngʼongeka o ixi ioso. Ki bhua moneka uoso u zenga dibhabha, mba u bhana mu kanu, mba u longolola.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Jelemiia 15:13

O jimbongo jé, ni mabhakelu mé, nga-nda ku a bhakula phala ku ku bhunda-u, mu ngoho; kia ki bheka-phe o ituxi ié ioso, ki bhita muene mu jimbambe jé joso.

Jelemiia 20:8

Kuma ngala kuila o ki ngi zuela, ngi di kola; ngi ta nzongo: Usuéia ni kibuika; mbata maka ma Jihova, ma di bhange dilebhu phala eme, ala ku ngi tela-nâ muondo kumbi dioso dia kambamba.

Ijila 26:14

Maji-phe, enu se nguenu ku ngʼivua, se nguenu kuila o ijiia ioso iii mu i bhanga,

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Dialuilu 14:42

Kana kuia-ku; kuma kuia ngó, Jihova ki muala nê, a mi beta kuala jinguma.

Dialuilu 14:43

Mukonda akua Amaleke ni akua Kanana iá kuenhuku ku muia, mua kà fuila ku xibhata; kuma mua ditunu kukaiela Jihova, muene kʼàia dingi ku mi bheka.

Matendelelu 28:25

Jihova u ku toluela muene bhu pholo ia ʼnguma jé; mu ku tundila o jinguma jé phala kutakana-na-ju, uila u a kaia mu njila imoxi, eie-phe ua kà lenga lusambuadi bhu pholo iâ, a kà ku lebhula mu jixi joso mu ngongo.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

Josuué 7:12

Kiene kia lembuela anʼa Izalaiele kuimana bhu pholo ia jinguma jâ; a bhana makunda ku jinguma ni kulenga, mukonda ala ni mázui. Hé mu kamba kutubhula kimʼokio kiokidike muʼaxaxi kenu, eme ki ngi kala dingi kumoxi ni enu.

Josuué 7:8

Ngana, tata! ngʼila kiebhi, ki tualʼiki? Kuma Izalaiele a bhana makunda mu kulenga jinguma jâ.

I Samuuele 4:17

Eli uixi-phe: Kia bhiti kiebhi, monʼami? Uoso ueza kutula njimbu anga u kumbulula, uixi: Kua tema! Izalaiele a a kaie lelu kuala akua Fidíxia; kua bhiti kihaẋi kia dikota ku mundu, o anʼé aiadi Hofini ni Finehase a a jibha, álaka ia Nzambi a i tambula.