Jisálamu 43:4 - O Mikanda Ikola

⁴ Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 43:4 ပူးပေါင်းရင်းမြစ်များ

II Samuuele 6:5

Ni Davidi-phe, ni dibhata dioso dia Izalaiele, a kala mu sanguluka ni ku xikila bhu pholo ia Jihova, o idifua ioso ia jimuzika ióiudike ni muxi ua mufaia, ni jimbànza ni tukoxi, ni jingoma, ni misaxi, ni jingonge.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 33:2

Sakidilenu Jihova ni kuxika mbànza; mu imbidienu ni kakoxi ka kuinhi dia ngoji.

Jisálamu 42:6

Eie, Nzambi iami, tata! muẋima moxi ua ngi bhuila! kʼiene ki ngala ku ku banzela ku makanga, ku thála ia Njolodá, mu mbetekete ia mulundu ua Helemone, mu kutunda bhu kalundu ka Mizale.

Jisálamu 57:8

Phaphumuka, eie u muenhu uami moxi! Phaphumuka, kakoxi ni mbànza! Eme-muène ue ngi phaphumuka mu kimenemene munhá!

Jisálamu 57:9

Ngi ku ximana, eie Ngana, muʼaxaxi ka akua bhata; ngi ta o mukumbi ué ni bhu pholo ia akua jixi jengi.

Jisálamu 63:2

Phala kutongolola o kukula kué ni kuuabha kué, kala ki nga ku mono mu tembulu ié.

Jisálamu 81:2

Tu kuatienu mukumbi, bekenu kangoma, ni mbànza iauabha dízui, ni kakoxi.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.