Jisálamu 43:2 - O Mikanda Ikola

² Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

Jisálamu 43:2 ပူးပေါင်းရင်းမြစ်များ

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 140:7

U Jihova, Ngana iami, Mubhuludi, eie-muène ua ngi vungina o mútue mu kizuua kia ita.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 31:4

Ngi sukunune mu uanda ua ngi tela manhanga; nga ku dielela eie ku ngi bhana o muenhu.

Jisálamu 42:10

Môndo uala ku ngi ta o jinguma jami ua di bhange mukua ni xibhata ia mu ngi toma mu ifuba; kioso ki ala ku ngʼila izuua ioso, exi: Nzambi ié ua ku kala kuebhi?

Jisálamu 42:9

Nga kʼàmbela Nzambi, ngixi: Eie u ditadi diami dia kipena, ua ngi jimbila-hi? Phala-hi ngiia ni kudila ni mukondo mukonda dia ubhika uala ku ngi bhikisa na-u o nguma?

Jisálamu 44:9

Maji o kiki-phe eie ua tu ehelela, tua jîngunuka; ilombo ietu kuala ku i bheka dingi mu kuia ku ita.

Jisálamu 71:9

Kana ku ngi kaia mu thembu iami ia kukuka; kana ku ngʼehelela ki u mona nguzu ií ngi bhua kiá!

Jisálamu 77:7

Manhi Ngana ua tu texila-ku kiá? Mbé ka xikina dingi ku mu bhomba?

Jisálamu 88:15

Tunde mu undenge ki nga bhondalala, ngala bhu bhulubhulu dia kúfua; nga juuala ni isuma ié, kuma ia ngi kuatesa uoma!

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Filipe 4:13

Ima ioso nga soko na-iu mua Kristu ió mukua ku ngi bhana o kutena.