Jisálamu 43:1 - O Mikanda Ikola

¹ Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 43:1 ပူးပေါင်းရင်းမြစ်များ

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 16:20

Abisalone bhenhobho anga u ambela Ahitofele, uixi: Tu bhane phangu ioso i tua fuama kubhanga.

II Samuuele 18:8

Kuma ita ia di zalala mu mukáu uoso uenhó, o mundu uadiua mu ditutu kizuua kienhokio ala kota mu ku vula, a diua ku mazu a xibhata ndenge.

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisálamu 35:1

Fúnda o mulonga uami, eie u Jihova, ni iá u nga di kuata-nâ, bhânga, Ngana, ni iá ala kubhânga ni eme.

Jisálamu 35:24

Ngi fundise, Jihova, u Nzambi iami, mu kidi kié ki uene na-kiu; enhó ka kale dingi mu ku ngi tobhesa.

Jisálamu 5:6

Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 54:3

Kuma athu engi a balumuka mu ku ngi sota, akua kusuína ala ku ngi seia o muenhu uami; athu a kambe kubhaka Nzambi ku mesuʼâ. (Selah.)

Jisálamu 7:7

Kionge kia mundu a ku bhongoloke muene; eie u xikame mu kaẋi kâ bhu ditala dia dikota.

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisálamu 71:4

Eie u Nzambi iami, ngi tambule, bhu maku a kisuéia, bhu maku a muthu u dia mangonha, ua kake o muẋima!

Jisálamu 75:7

Mukonda Nzambi muene ngó o mufundixi u tetulula; u tulula o muthu iú, u tudika o muthu ua mukuá.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Jisabhu 23:11

Kuma o mukudi uâ-ene Dizonda; muene u a zokela o mvunda, eie anga u tala hadi.

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

I Kolindo 4:4

Kuma ki ngejiia kikuma ki ngala na-kiu. Maji ki bhene ngó bhu ngi lungila. U ngi tokuesa muène Ngana.

I Phetele 2:23

O kia mu xingile, ka vutuile ndaka. Kia mu kuamene, ka tele ndumu, maji mulonga uê-phe ua u ehela Nzambi muenhó mukua kufundisa kiaiuka.

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.