Jisálamu 38:20 - O Mikanda Ikola

²⁰ Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisálamu 38:20 ပူးပေါင်းရင်းမြစ်များ

Jisálamu 142:7

Ngi katule o muenhu uami mu kaleia, phala ngijiie kusakidila o dijina dié; athu aiuka a-ndu ngi bhongolokela; mukonda eie ua ngi bhange mbote.

Jisálamu 25:19

Tongolola o jinguma jami, kuma javulu; a kaka miẋima ni ku ngi zemba ni kizembu kia dikota.

Jisálamu 35:12

Eme nga a bhange mbote, ene-phe a ngi vutuila phulu; muenhu uami a ngi tambula-u.

Jisálamu 35:19

Kuehele jinguma jami ku ngʼolela uoua mu kingoho; a ngi zembe sé kikuma ka kale mu di jika-jika mesu, exi tua mu tobhesa.

Jisálamu 7:4

se ngaii mu lokalala ió ua di xibhê, ki tu di kuata; inda nga bhana muenhu kua uoso ua ngi zembe sé kikuma;

Jelemiia 18:20

Manhi mbote a i futa ni phulu? Oko a kande o diela phala o muenhu uami! Lembalala kuma eme ngemana bhu pholo ié-eie, phala ku a zuela mbote ia ene, phala njinda ié ki ia a tule, i ile kuengi.

Matesu 5:10

A zediua oso a a talesa hadi mukonda dia kubhanga ima ia kuiuka, o Utuminu ua Diulu uâ ene.

Nzuá 10:32

Jezú-phe, uixi: Ikalakalu iambote i nga bhange iavulu, i nga mʼ idikiza, ia ngi tumu Tata kubhanga. Ku ikalakalu iíi, kikalakalu kuẋi ki mu ngi jibhila ni matadi?

I Phetele 3:13

Nanhi-phe u tena ku mi kuama, se enu mua suina kubhanga mbote?

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Samuuele 23:12

Davidi-phe, uixi: Manhi akua Keila a ngi thelekala ni makuenze mami bhu maku ma Saúlo? Jihova uixi: A ku thelekala muene.

I Samuuele 23:5

Davidi-phe ni makuenze-mê aia ku Keila, a lua ni akua Fidíxia, anga a a tambula ibhaku iâ, a a jibha ni kihaẋi kia dikota. Kienhiki Davidi u bhulula akua Keila.

I Samuuele 25:16

Ene kifua a kexile kimbaka kietu kia ku tu xitila mu usuku ni mu muanha, thembu ioso i tua kalanâ mu kuinga jimbudi.

I Samuuele 25:21

Davidi-phe uambele, uixi: Kidi muene, nga tale ngó hadi ia kuinga ibhaku ioso ia iala muenhú mu iangu, katé ki bhua mu jimbila kima kia mu tokala; muene-phe ua ngi vutuila phulu mu mbote i nga mu bhange.