Jisálamu 37:9 - O Mikanda Ikola

⁹ Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Jisálamu 37:9 ပူးပေါင်းရင်းမြစ်များ

Jisálamu 25:13

Muthu u kala kiki u tunga bhua tululuka; mbutu iê ia vuala iene i lundula ixi.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisabhu 2:21

Kuma athu ambote ene a kà tunga mu ngongo, oso aiuka muẋima a kà nangenena muenhomo.

Izaía 57:13

O ki u dikola, ngiia: o akuenu u ua bhongolola ió, a ku kudile-ze; maji kitembu kia-nda ku a phephulula ene oso, o izala ia-nda ku a hungumuna; maji uoso ua ngi dielela eme, muene ua kà vua oxi, ulundula mulundu uami uangene.

Izaía 58:14

kienhókio ua kà sangulukila mua Jihova, eme-phe ngi ku tudika ku ididi ia di-leka mu ngongo, hé ngi ku dikila ni undundu ua tatʼenu Jakobo; kuma dikanu dia Jihova dia ki tange.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Dialuilu 26:65

Mukonda Jihova ua ki ambele, uixi: Enhá kidi muene a kà fuila mu kikangalakata. Ni muthu ngó ka subhuka-ku, kale ngó Kalebe dia Jefune ni Josuué dia Nune; ene ngó a subhuka.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Josuué 14:9

Mozé-phe ua ngi lokela kizuua kienhókio, uixi: Kidi kiene, mavu ió a diota kànda dié dia kinama, hinu à kala undundu ué ni ua anʼé katé ku mululu ni ku mulaula ʼté ku hádia ni hádia, mukonda eie ua jiji mu kaiela Jihova Nzambi iami ni muẋima ué uoso.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.