Jisálamu 37:7 - O Mikanda Ikola

⁷ Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 37:7 ပူးပေါင်းရင်းမြစ်များ

Estere 3:15

Jiphunga ja koleiu anga ji suluka ni lusoilo mu kumbidila kitumu kia muenexi, o ngonge ienʼiii ia tundu mu mbonge ia Suzana kuma iene o mbonge ia dibhata dia muenexi: Ni Muenexi ni Hamane anga a xikama mu kúnua; maji o mundu-phe mu nzunga ia Suzana a tandanganha ni hundu ienhiʼii.

Jobe 35:14

Né-mbe eie uila, uixi: Ki ngala ku mu mona, hanji-phe, mulonga ué uala bhu pholo iê muène; uila kiki, kinga kua muene.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 40:1

Jihova nga mu kinga ni kienhenge; muene ua ngi bhetamena, ua ngʼivu o kudikola kuami.

Jisálamu 50:8

Ki ngi ku bazela, kana, kuila ua fulu ku ngi satela; jisata jé ja kuoha izuua ioso nga ji mono.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Jona 1:11

Anga a mu ambela exi: Tu ku bhanga-phe kiê, phala o kalunga ka tululuke, mukonda ka teme, menha ala kuditudijika dingi kiavulu.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Josuué 10:12

Bhenhobho Josuué u ambela Jihova, mu kizuua Jihova kia bhakula a-Mamodi bhu lukuaku lua anʼa lalaiele, u zuela bhu mesuʼa akua Izalaiele, kuila: Dikumbi, imana hanji mu Ngibiione, eie ue, u mbeji, imana mu Dikôlo dia Ajalone.