Jisálamu 37:6 - O Mikanda Ikola

⁶ Muene u idikiza o kidi kié kala muanha; kulunga kué ku moneka muene kala kumbi dia mediia.

Jisálamu 37:6 ပူးပေါင်းရင်းမြစ်များ

Jobe 11:17

O muenhu ué ua kà beta kutomboloka, dikumbi dia mediia ndenge; né hanji ku kala kuvunda, kia kèla kala mu kimene.

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Izaía 58:10

se mukua nzala u mu jikuila muẋima, o muthu ua tate u mu dikila; kua-bhu-phe, mu kitombe muenhomo mua-nda ku ku kiela mukengeji, kuvunda kué ku bhiluka kala kumbi dia mediia.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Jelemiia 51:10

O kulunga kuetu, Jihova ua ku bheka mu mukengeji; zenu, nda tu ki tange mu Ziione, o kikalakalu kia Jihova, Nzambi ietu.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Matesu 13:43

Kienhókio athu aiuka a kà di muika kala dikumbi ku mbanza ia Tata iâ. Uoso uala ni mátui, évue.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.