Jisálamu 37:39 - O Mikanda Ikola

³⁹ O kubhuluka-phe kua akua kidi, ku tunda kua Jihova; kuma muene kimbaka kiâ mu thembu ia jiphaxi.

Jisálamu 37:39 ပူးပေါင်းရင်းမြစ်များ

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 32:22

Kienhiki Jihova kia bhulula Ezekiia ni iá a tunga mu Jeluzaleme, bhu lukuaku lua Sinakedibhe, sobha ia Asídia ni bhu lukuaku lua jinguma joso; anga u a langa ku jimbandu joso, u a tululuisa.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 3:8

Kubhuluka ku tunda kua Jihova; o ku thandu dia mundu uê ku kale dibesá. (Selah.)

Jisálamu 34:20

U langa ifuba iê ioso; ni kimoxi ngó ki ki bukuka.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 46:2

Kienhiki, ki tu kala ni uoma, né-mbe oxi izamba, mba milundu iê i suetuka katé mu kaẋi ka musanza ua kalunga.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Jisálamu 9:9

Jihova muene o mbonge ia matala, mu lengela ió oso a a tatesa; muene kididi kiakondama mu thembu ia jiphaxi.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 11:8

Muthu ua iuka ene ku mu bhulula ku kibhidi ni ku dilamba; mukua phulu-phe anga u bhingana-bhu.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 33:2

Jihova, tu kuatele henda, tuene ku ku dielela, éʼmuene; dibhange éʼmuene u lukuaku luetu mu imenemene, u kale ue u ubhulukilu uetu bhu kithangana ki tu konda o ngongo.

Jelemiia 15:20

Nʼeme nganda ku ku bhanga kala kimbaka kia ngondo kia di jikidila, mu mvunda ni mundu iú; ene-phe a-nda ku bhânga nʼeie maji ka-nda ku ku tolola; mbata eme ngala bhuamoxi nʼeie phala ku ku langa, ni ku ku kudila kua ene, Jihova ua ki tange.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.