Jisálamu 37:3 - O Mikanda Ikola

³ Dielela kua Jihova, enda ni kubhanga o mbote; phala u tunge ixi ienhiʼii, u kale u fiiele.

Jisálamu 37:3 ပူးပေါင်းရင်းမြစ်များ

Dimatekenu 26:2

Jihova anga u mu tukulukila, u mu ambela, uixi: Kana kukulumuka mu Ijito, maji u tunga mu ixi ioso i ngi ku idikiza.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

I Jisobha 19:6

Muene anga u tona hé u tala, anga u mona ku mutuelu uê kuala mbolo iozuze ku makala, ni kadisanga ka menha; anga u dia, u nua, anga u zeka dingi.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisálamu 33:19

Ku a langa o muenhu uâ mu kaẋi ka iluezu ia kúfua; ni ku a bhana o kulaia mu thembu ia nzala.

Jisálamu 4:5

Nzambi mu mu satela ni kidi, phala Jihova mu mu dielele kiambote.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisabhu 3:5

Dielela kua Jihova ni muẋima ué uoso; kana kudielela ngó o kilunji kié

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Luka 22:35

Kienhókio Jezú uixi dingi: Eme ki nga mi katuile sé hutu, sé mbuenge, sé jisabhatu, mua tatele ni kima? Exi; Kana.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.