Jisálamu 37:25 - O Mikanda Ikola

²⁵ Tunde mu undenge, o kiki nga kuka; kiluua ngi mona mukua kidi a mu ehelela, mba mbutu iê ienda ni kubhinga jimola.

Jisálamu 37:25 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Jobe 15:23

Uenda ni kututumba mu kusota kia kúdia, ni kuila, uixi: Kudia kuala kuebhi? Uejiia muene kiambote kuila kizuua kiê kia kuvunda kia mu zukama muene bhu mbanduʼa lukuaku.

Jobe 4:7

Xinganeka hanji; Muthu ua bene, kala ni kikuma, mbé uene mu jikinina? Kuebhi ku ua mono athu a iuka mixima ku a buikisa?

Jisálamu 109:10

Anʼê a kale anhungani a hatu, ende ni, kubhinga jimola; o dibhata diê di kale ngùndu, ene ende ni kunhunganena ku makanga.

Jisálamu 112:2

Anʼê a kala mazonda mu ngongo, muiji ua ió emana o mixima nzanza, u zediua.

Jisálamu 25:13

Muthu u kala kiki u tunga bhua tululuka; mbutu iê ia vuala iene i lundula ixi.

Jisálamu 37:28

Kuma Jihova kia mu uabhela o kubatula mu kidi; a di tuma-nê ka ehelela, u a kondeka katé bhu kizuua. Maji o mbutu-phe ia akua kubhuma, a xikamena ku a batula-bhu.

Jisálamu 59:15

Ende ni kubungana mu sota kúdia, hé a zeka ngó bhu kanga, mukonda kúdia ka ku mono.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Jisálamu 71:9

Kana ku ngi kaia mu thembu iami ia kukuka; kana ku ngʼehelela ki u mona nguzu ií ngi bhua kiá!

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Jipoxolo 21:16

Sai jiphange jimoxi-mu, akua mbonge ia Sezaleia, anga aia mu ku tu bheka. Ene hé a tu ambata katé mʼ onzo mu tuanda kutambula o kizalu, ia muthu mukua kikôlo kia Xipele, dijina diê Menasome. Muthu muenʼ iú uala kia kidistá kiokulu.

II Kolindo 4:9

Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.