Jisálamu 37:20 - O Mikanda Ikola

²⁰ Maji isuéia-phe i buila muene; jinguma ja Jihova a soka ni iẋinji ia túbhia; aia ni kujidila mu dixi, kindala a jimi.

Jisálamu 37:20 ပူးပေါင်းရင်းမြစ်များ

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Jisálamu 102:3

Kuma izuua iami iala kúbhua mukuâ ni dixi, o ifuba iami iala mu jila kala luhuinhi lua uama bhu jiku.

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Jisálamu 68:3

Maji athu aiuka-phe a kale ni ngalasa; a sanguluke bhu pholo ia Nzambi; a sanguluke muene ni ngalasa iavulu!

Jisálamu 92:9

Iala-ze, u Jihova, Ngana, jinguma jéʼojo, iala-ze jinguma jéʼojo, hádia ji buila muene, lalá! Ooso abhanga ima ia mangonha, a kèla muangatatá!

Jisabhu 2:22

Maji akua-phulu mu ngongo a kà a buikisa-mu, o ibalukutu a kà a vuza-mu muene.

Ijila 3:16

o nganga anga u i ohela ku kalatódio; kifua kuene kúdia kua ujitu ua kubhakula ni túbhia, kua dizumba diambote; o banha ioso iangene ia Jihova.

Luka 13:3

Nga mi ambela, kana! Enu uenu se mu kamba-phe kudiela, enuʼ enu oso mua-nduʼ fua kiòmuene.

Luka 13:5

Nga mi ambela, Kana! Enu uenu se mu kamba-phe kudiela, enʼuenu oso mua-nduʼfua kiòmuene.

Matendelelu 29:20

Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.

Jihebeleu 12:29

Kuma kidi muene, Nzambi ietu tubhia tua uama, tu buikisa.

II Phetele 2:12

Athu enhá-phe kala iama ki i moneka kilunji, edi kala ibhaku ia ngó ia kukuata ni ku i jibha, enda ni kuxinga o ima ia tokoka ku i ijiia. A kà di bota mu kubola kuâ, a kà tambula o hadi, kuma kifutilu kia kubhanga kiaiibha.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.