Jisálamu 37:18 - O Mikanda Ikola

¹⁸ Jihova uejiia o izuua ia athu a iuka; o undundu uâ u nangenena katé ku hádia ni hádia.

Jisálamu 37:18 ပူးပေါင်းရင်းမြစ်များ

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 31:15

Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 31:7

Ngi sanguluka, ngi kala ni kutana mu kulenduka kué; kuma eie ua ngi xinganeka mu kubhindama kuami; eie ua ngʼijidila mu jiphaxi mu nga bhiti.

Jisálamu 37:13

Maji Jihova-phe u mu olela, kuma ua mono o kizuua kiê ki kiza.

Jisálamu 49:5

Phalahi ngi kala ni uoma ua izuua iaiibha, kala kia ngi phopheka akua mangonha, a mu-ia ni ku ngi tela míkala?

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Jisabhu 2:21

Kuma athu ambote ene a kà tunga mu ngongo, oso aiuka muẋima a kà nangenena muenhomo.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Matesu 6:32

Mbata ima ioso iii iene ia-lu sota o matumbu, athu kejiia Nzambi. Maji enu o Tata ienu ia diulu ua kijiié kuma imʼ iii mua i bhindamena.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Matendelelu 33:25

Sabhatu ié felu ni utadi; uzonda ué usoke ni izuua ié i u kola muenhu.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.