Jisálamu 37:15 - O Mikanda Ikola

¹⁵ Maji o xibhata iâ-phe, ia kà a bokona ku muẋima uâ-ene; o mata mâ ma mifula, ma kà bukujuka.

Jisálamu 37:15 ပူးပေါင်းရင်းမြစ်များ

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

Estere 9:16

Jijudé jamukuá mu jisengu ja muenexi a di bhongolola ue, a bhângela mienhu iâ anga a kala ni kutululuka, kuma jinguma jâ a ji tebhununa, kua iá a a zembe a jibha-ku makuinhi sambuadi a midi ni midi jitanu; maji jimbongo jâ-phe ka ji bhûndu, kana.

Estere 9:22

kuma iene o izuua ia bhanduluka jijudé ku usuéia uambele ku a bhanga o jinguma jâ; iene o mbeje iâ iambele kukala ia lâmba anga i biluka ia ngalasa, iambele kukala ia uíndua anga i biluka ia kizuua kiambote; uixi a i bhange i kale jinge izuua ia kubhanga fesa ni kusanguluka, ni ku di tumikisa makúdia, ni ku di bhana maujitu ni kuuanena o jingadiama.

Jisálamu 34:22

Jihova-phe u tambula konda ia muenhu ua jiselevende jê; kana muthu u sekala ua mu dielela muene.

Jisálamu 35:8

Enhó-phe kibuika kiâ a ki tukumuke; a fue muene mu uanda ua telele akuâ; a dibhale ene mu diela diâ dia kande.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Izaía 37:38

Anga ki bhita-phe kuma, kia bokona iu ua fukama mʼonzo ia Nijiloke, o nzambi iê, Adalameleke ni Salezele dia anʼê-muène, a mu jibha ni xibhata; ene-phe hé alengela kʼoxi ia Alalate, o Ezaladone monʼê, anga uhinga bhu kididi kiê.

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Hozeia 1:5

Anga ki bhita kuila, mu kizuuʼokio-phe, o uta ua mufula ua Izalaiele, nga-nda ku u bukuila mu dikôlo dia Jezelele.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

I Samuuele 2:4

Mifula ia mazonda i bukujuka, a kexile kiá mu ku di bhukajana-phe a a zuika ni nguzu iengi.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.