Jisálamu 36:7 - O Mikanda Ikola

⁷ O kulenduka kué, Ngana Nzambi, kuzediua kua nzungule! Anʼathu kiene ki ene mu lengela moxi a mabhabha mé!

Jisálamu 36:7 ပူးပေါင်းရင်းမြစ်များ

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jisálamu 139:17

Ilunji ié, u Nzambi, i ua ngi xinganeka na-iu, kima kia kulalula! se ngedi ngi i kuata konda, ki ngi i tena, kuma iavudilà-ku!

Jisálamu 17:8

Ngi xitile, Ngana, kala ngi mona diesu; ngi sueke moxi a mabhabha mé,

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 63:7

Mbata eie-muène u dikuatekesu diami, o mu kilembeketa kia mabhabha mé, muene mu ngi suamena, anga ngi kala mu kuimba mimbu ia ngalasa.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

II Phetele 1:4

Kiene kia mu bhangesa ku tu bhana jipolomesa jê jakulu kinéne ja ujitu. Muène ua bhange kiki phala ku jipolomesʼiji, ja ujitu, tu nomone ku kidifanganu kiê kia unzambi, mbe se tueji ku di bhala kiá mu kubola kuene ku mundu mukonda dia jihânji jaiibha, tu tene kubhulaka.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.