Jisálamu 36:6 - O Mikanda Ikola

⁶ o Kuiuka kué kua soko ni milundu ia makota; o kufundisa kué mukua ni musanza uazongo ua kalunga. Jihova, eie-muène u mukua kuinga o muthu ni kiama!

Jisálamu 36:6 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jobe 7:20

Se-phe nga te kituxi, Ngana, ngi ku bhanga kiebhi, Eie uene mu kulanga athu? Ua ki bhangelaʼhi ku ta mesu kokuami, se kiedi katé ni eme-muène nga di kumu kiá, kuma kia ngi nemena?

Jisálamu 145:9

Jihova ene oso u a bhanga muene mbote, ikalakalu iê ioso u i tambula konda mu henda iê.

Jisálamu 147:9

Kiama mu iangu muene u ki bhana o kúdia, ni anʼa ilombelombe kioso ki i dikola kua muene.

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Jisálamu 77:19

Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Jisálamu 92:5

Ufunu ua ikalakalu ié, u Jihova, uahi ngó! o kubanza mu ikutu ia ixinganeku ié, mua zongo!

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Makatukilu 9:28

Diondenu-phe kua Jihova, inuminu ioso iii ni matadi, kuabhu, ibhue-ku; phala ngi mi ehe mu ienu, ki ngi mi fudisa dingi.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Kuditenda 3:23

Imene ioso kuila ngó kúkia, jatomboka jʼobhe; o ku kumbidila kuê, kuvula kuahi!

Jona 4:11

Kífua eme ki nga tokala kukala ni henda ia mbanza iadikota ia Ninive, muala hama ni makuinhi a iadi a midi ia muthu ndenge, athu kejiia lukuaku luâ lua kadilu ni lukuaku luâ lua kiasu, ni ibhaku iavulu?

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.

I Samuuele 14:15

Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.