Jisálamu 36:4 - O Mikanda Ikola

⁴ Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Jisálamu 36:4 ပူးပေါင်းရင်းမြစ်များ

Estere 5:14

Bhenhobho ni mukajiʼê Zelexe ni makamba mê moso a mu ambela, exi: Iudika mukambu ua lebha muene, ua kitala kia makuinhi atanu a kóvado, o ki kúkia u zuela ni muenexi phala Moledekai a mu nhenga kuenhuku; ela a zubha ku ki bhanga-phe, eie u ijiie kuia kiua ni kusanguluka ku fesa ni muenexi. Hundu ienhiʼii anga i uabela Hamane, u tuma kuiudika o mukambu.

Estere 6:4

Muenexi anga u zuela dingi, uixi: Nanhi-ó uala mu kithâdi? Kuma Hamane ua di meneka, ua bhixila kiá mu kithâdi kia kanga, uala mu kuiza kuzuela ni muenexi phala a nhenge Moledekai ku mukambu ua mu iudikila.

Jobe 15:16

kuambe dingi o muthu ua kasana, ua xidi, únua o ituxi kala menha?

Jisálamu 38:12

Enhó ue ala ku ngi seia o muenhu uami, a mu ngi tela míkala; athu ió a mesena ku ngi kuama, a tanga ima ia phulu ioso; a nanga kumbi dioso dia kambàmba ni ku ngi kanena.

Jisálamu 52:3

Eie o phulu ia ku kala kota, o mbote ndenge; u beta kutanga makutu, ku xikina kuzuela kidi! (Selah.)

Jisálamu 97:10

Enu mua zolo Jihova, ituxi i mi ibhile; muene u bhaka o mienhu ia jifiiele jê; hé u a kudila bhu maku a kisuéia.

Jisabhu 24:2

Mukonda o muẋima uâ ufunha usuéia, o mizumbu iâ i tanga isunji.

Jisabhu 24:23

Jiji ue jene o jisabhu ja jingijiie; exi: O kukala ni katungu ka athu bhu kibhuna kia kufundisa milonga, koko kuzanga.

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Jelemiia 8:6

Eme ngʼevidila, eme ngevu: Kala kuzuela kia iuka; ki bhuala muthu u diela ku usuéia uê, uixi: Nga bhangʼehi? Kala muthu ni muthu u bhambuka mu njila iê, mukua ni kabalu ka di takula ni nguzu ku ita.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Mikeia 2:1

Kokolo dia ió oso a sota kuta ituxi ni kufunha kubhanga kiaiibha bhu jihama jâ bhu a zeka; anga aia ni ku ki bhangela muene mu muanha uatu, mukonda o kutena kuala bhu lukuaku luâ.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Matesu 27:1

Kukia ni kimene, jinganga ja makota joso ni adiakimi a Jijudé a bhongoloka mu tetulula kioso kia jibha Jezú.

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.

I Samuuele 19:11

Maji Saúlo u tuma athu kʼonzo ia Davidi, phala ku mu batamena nʼa mu jibhe mu kimene. Mikala-phe, mukaji a Davidi, anga u mu dimuna, uixi: Se u kamba kulenga ni usuku iú nʼu bhulula o muenhu ué, mungu ki kúkia mu kimene, a ku jibha!