Jisálamu 36:3 - O Mikanda Ikola

³ Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisálamu 36:3 ပူးပေါင်းရင်းမြစ်များ

II Samuuele 22:22

Mukonda nga lange jinjila ja Jihova, Nzambi iami ki nga mu baluka ni ima ia kubhukumuka.

II Malunda 20:32

Muene uende mu njila ia Aza, tatʼâ, ka tundumu; ua bhanga jinga kia iuka ku mesu ma Jihova.

Jisálamu 10:7

Mu kanu diê mua muizala ni jindaka, ni makutu ni kudimuka; o koxiʼa dimi diê kuezala mangonha ni kulokalala.

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 140:3

Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 5:9

Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Jisálamu 58:3

Mukonda akua kubhuma, a dianguka tunde mu mala; a zubha ngó ku a vuala, njila a i xi kiá a kuata kiá kutanga o makutu.

Jisálamu 94:8

Xinganekenu hanji enu jibulutu ja athu, enu mu ioua, kífua ki mu dimuka dingi?

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Hozeia 8:3

Izalaiele o mbote ua i jini; nguma-phe ianda ku mu zudidika.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Matesu 22:35

Muthu umoxi-ku, ndongixi, anga u mu ibhula phala ku mu londa, uixi:

Luka 11:25

O kia vutuka, u sanga muokòmbe muòiudike.

Jihebeleu 10:39

Etu-phe ki tu tokala ku akua usudi, a vutuka ku dima, hé a texika. Maji tuala ni kuxikana kua kidi, ku tu bhekela o kubhuluka.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Samuuele 15:26

Samuuele anga u ambela Saúlo, uixi: Eme ki ngi ku bheka; mukonda eie ua ditunu kizuelu kia Jihova, Jihova ue iu ua ku ditunu, ka mesena ku ku bhaka dingi ku ungana ni u kale u sobha ia Izalaiele.

I Samuuele 16:14

Nzumbi ia Jihova anga kua Saúlo i tunda-ku; anga bhu kala nzumbi iaiibha ia tundu kua Jihova hé i kala mu mu kuatesa uoma.

I Samuuele 18:21

Kuma Saúlo, uixi: Ngi mu bhana-nê phala a kale mubhetu ua ku mu kuatela mbé o lukuaku lua akua Fidíxia lu mu tule ku thandu a jime o mbutu. Kienhiki Saúlo anga u ambela dingi Davidi lua kaiadi, uixi: Lelu u kala u holomeʼami.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.