Jisálamu 35:6 - O Mikanda Ikola

⁶ Njila iâ i kale javundu, ia ẋanana; o anjo ia Jihova ende ni ku a landameka.

Jisálamu 35:6 ပူးပေါင်းရင်းမြစ်များ

Dimatekenu 6:21

Eie-phe u katula ue ku makudia moso mene mu kúdia, u ma bhongoluela muenhomo phala eie; ma kale kúdia kué eie ni kua ene.

Jisálamu 73:18

Kidi kiene, kuma eie ua emika ididi iaẋanana; uila u a lundumuna, endelela muene, ni mu bombo dia kalunga, nzaká!

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 23:12

Uila kiki njila iâ ia-nda ku a kala muene mukuâ ni ididi ia ẋanana mua vundu: a-nda ku a lundujula anga a di-bhalela muenhomo, mbata nga-nda kua bhekela divuua ku thandu diâ, mu muvu muene ua ku a zungila, kiene kiambe Jihova.