Jisálamu 35:3 - O Mikanda Ikola

³ Zenga o dionga, ambela o muenhu uami, uixi: Eme-muène ngi Kibhamuenhu kié.

Jisálamu 35:3 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.

Jisálamu 27:2

Kioso akua phulu, jinguma jami ja ngi kàla ni ufe, ki ejiie phala ku ngi dia xitu, a di bhukana, a di vundu bhoxi.

Jisálamu 51:12

Tona dingi ku ngi bhana o ngalasa ia ubhulukilu ué; u ngi fikidile ni vondadi ia ku ku tumaka.

Jisálamu 62:7

Kua Nzambi kuene kua ngi kala o kulaia, ni kudisanza, ni kijingo; o ditadi diami dia nguzu, ni dilengelu diami, kuene kua Nzambi.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Jisálamu 91:16

U laia izuua iavulu, i ngi mu bhana, vondadi i mu bhua; eme ngende ni ku mu idikiza ki kala o ubhulukilu uami.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Luka 2:30

Kuma mesu mami ma mono kiá o ubhulukilu ué,

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.