Jisálamu 35:21 - O Mikanda Ikola

²¹ A bhana muene mu kanu ni ku ngonesa, exi: Euá! euá! Etu tua ki mono muene ni mesuʼetu. U diuana!

Jisálamu 35:21 ပူးပေါင်းရင်းမြစ်များ

Jobe 30:11

Mbata Nzambi mukolo uê ua u jituna, iú ua ngi tatesa; kienhiki ene a di zula jifelu mu kanu diâ, bhu pholo iami muène.

Jisálamu 22:13

A ngi hamena ni ku ngi bhanena mu kanu, exi ni mazu kenené, mukuâ ni hoje i sana-sana iala mu zuma.

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 40:15

A sekalese, mu kaxtiku ka kubhuma kuâ, enhó oso a kuata o ku ngi uaua!

Jisálamu 40:16

Oso-phe ala ku ku kana eie a sanguluke, a kale jinge mu kutanena momué; oso a zola o kubhuluka ku tunda ko kué, a kale mu kuila jinga: Jihova ukôla.

Jisálamu 54:7

Kuma eie ua ngi kudila mu phaxi, jami joso; o mesu ami a ki mono, kioso ki ua ngi bhange o jivondadi ku jinguma jami.

Jisálamu 70:3

Sonhi jʼa kuate, a vutuke kua tundu ni josonhi jâ, enhó oso ala ku ngi uaua, exi: Uá! Ua di bhé-kiu!

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Kuditenda 2:16

Nguma jê joso-lolo muene, a bhane mu kanu mu ku ku tembula eie; a xika mixi, a di keketa ku mazu, exi: Né! tua mu minha muene! Ni kidi kiene muene, kiki kiene o kizuua, ki tua kinga jinga ukulu; lelu tua ki sange, tua ki mono.

Izekiiele 25:3

Nda uambele anʼa Amone, uixi: Ivuenu o kizuelu kia Jihova Nzambi: Kuma o Jihova Nzambi uambe, kiki: Mbata eie uedi: Há! há! ku mbandu ia dibhezelu diami kioso kia di kasanesa; ni ku mbandu ia oxi ia Izalaiele kioso kia mu i kitula jingùndu; ni ku mbandu ia dibhata dia Juda kioso kiaii ku ubhika;