Jisálamu 35:10 - O Mikanda Ikola

¹⁰ Ngevu muene katé ni ifuba iami i ki tanga, kuma eie u Jihova ku moneka luiadi! Nanhi u soka-nê mu kubhulula ió uatâte, xi, ni phulungu ni ngadiama, kua ió a mesena o ku a bhûnda?

Jisálamu 35:10 ပူးပေါင်းရင်းမြစ်များ

II Samuuele 22:18

Ua ngi tambula ku nguma iami iasuina kinéne, ni ku athu a ngi zembele, a ngi tundu mu nguzu.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 102:3

Kuma izuua iami iala kúbhua mukuâ ni dixi, o ifuba iami iala mu jila kala luhuinhi lua uama bhu jiku.

Jisálamu 103:6

Jihova mukua kubatula milonga, u fúndisa kiambote oso a a bhikisa.

Jisálamu 109:31

Kuma ua tate-ó, muene u mu imanena ku madilu; mu ku mu bhulula kua ió andala ku mu êlesa, mbé nʼa mu jibha.

Jisálamu 140:12

Ngejiia kuma Jihova u fundila jinga ió uoso a mu tatesa, u tetuluila ió uoso ua bhindama.

Jisálamu 140:13

Sé kufula, oso aiuka a kà sakidila o dijina dié; o emana mixima nzanza, a kà tunga bhu pholo ié.

Jisálamu 146:7

U bhesa kaxtiko mu bhângela ió a a bhikisa; hé u bhana kúdia kua ió a tate ni nzala, Jihova u jituna ió a a kuika;

Jisálamu 18:17

Ua ngi tambula ku nguma iami iasuina kinéne, ni ku athu a ngi zembe, mbata ene a ngi tundu mu nguzu.

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 22:24

Kuma muene kene kutènda muthu, mba kuxikulula ngadiama mu uadiama uê; uatate ka xikina ku mu suekela pholo, nʼa mu bhane dikunda; maji kia dikola kua muene u mu ivua.

Jisálamu 32:3

O ki ngedile ngi dixibha, ni ifuba moxi ikala ni kutuza, ngi kala mu kumba izuua ioso.

Jisálamu 34:20

U langa ifuba iê ioso; ni kimoxi ngó ki ki bukuka.

Jisálamu 34:6

Ngadiamʼiii ia dikola, Jihova ua mu ivu, ua mu kudila mu jiphaxi jê joso.

Jisálamu 37:14

Akua phulu a fomona xibhata, oleka uta ua mufula, phala ku jikinisa o phulungu ni ngadiama, ni kujibha ió oso ala mu njila iaiuka.

Jisálamu 38:3

Mu jixitu jami ki mua ngi kala dingi kima kia disanze, mukonda dia kuluuala kué ku ua ngi luualela; mu ifuba iami ki muala dingi kutululuka, mukonda dia ituxi iami i nga te.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Jisálamu 69:33

Kuma Nzambi uívua o jiphulungu; ka tobhesa jihutile jala bhu mikolo.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Jisálamu 86:8

Mu jinzambi kana-mu, Ngana, ua soko ni eie; kana-ku ue ikalakalu kala o ikalakalu ié.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Izaía 40:25

Mua-nda ku ngi sokesa-phe ni mukuahi, ngi tena ku di fuangana-nê? Kiene kiambe Nzambi Ukôla.

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Jelemiia 20:13

Imbilenu Jihova, Jihova mu ximanienu; mukonda o muthu uala bhu kibhidi muene u mu bhulula o muenhu bhu lukuaku lua ingumba.