Jisálamu 35:1 - O Mikanda Ikola

¹ Fúnda o mulonga uami, eie u Jihova, ni iá u nga di kuata-nâ, bhânga, Ngana, ni iá ala kubhânga ni eme.

Jisálamu 35:1 ပူးပေါင်းရင်းမြစ်များ

Nehemiia 4:20

Bhu kididi bhuoso bhu muivuila mbungu ia xiki, bhene bhu tu di bhongoluela; o Nzambi ietu muene ua kà tu bhângela o mvunda.

Jisálamu 119:154

Ngi fundile milonga iami, u ngi kule mu ubhika; u ngi bhane muenhu uobhe, kala ki ua ki tanga.

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Makatukilu 14:14

Jihova muene ua-nda ku mi bhangela, enu di xibhienu ngó.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 23:22

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Jisabhu 23:11

Kuma o mukudi uâ-ene Dizonda; muene u a zokela o mvunda, eie anga u tala hadi.

Izaía 49:25

Maji, Jihova uambe kiki: Kidi kiene, ió a a kutu, a-nda kutunda muene bhu maku ma dizonda, o mbole ia kuata o kisuéia, ia-nda kubhulaka muene; mbata nga-nda kuzoka ni ió oso a zoka nʼeie, o anʼé nga-nda ku a kula.

Jelemiia 51:36

Uila kiki Jihova uambe: Tala, mvunda ié nga-nda ku i bhânga, nganda kuvutula phonzo ku phonzo ia ku tate eie; o musanza uê ngi u kukutisa, o otho iê ngi i bhuisa-ku.

Kuditenda 3:58

Eie Jihova, ua fundu o dimanda dia-nda ku ngi dia o muenhu, eie ua kula o muenhu uami.

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

Jipoxolo 23:9

Anga ki bheka jibuia javulu. Amoxi ku jimesene ja Kitumu, a tokala ku jifalizeu, emana, hé a zoka exi: Etu muthu iú ki tu mu mono ni kikuma. Sumba kuala nzumbi mba anju muene ia mu zuelesa!

Jipoxolo 5:39

Maji se kua tundu kua Nzambi-phe, mu a lémbua ku a tolola, kuma mu kubhanga kiki, muanda kusota kubhanga ni Nzambi! Muene anga a mu xikana. Kionge kioso anga kʼ ivua kia zuela Ngamadiiele.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.