Jisálamu 34:9 - O Mikanda Ikola

⁹ Jihova mu kuatedienu uoma, enu mu athuʼê ósole; ki kuene kubhindama kua iá a kala ni uoma uê.

Jisálamu 34:9 ပူးပေါင်းရင်းမြစ်များ

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 22:23

Enu mu akua uôma ua Jihova, ndokuenu mu mu ximane; enu oso mu mbutu ia Jakobo, mu tangienu o fuma; mu ẋidienu, enu mu mbutu ioso ia Izalaiele.

Jisálamu 23:1

Jihova mubidi uami uala ku ngʼinga ki ngi bhindama ni kima kana.

Jisálamu 31:23

Jihova mu zodienu, enu oso mu athuʼê ósole; kuma Ngana u tambula konda ia jifiiele. Maji akua izala-phe u a bhesa kaxtiku kasoko.

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Loma 8:32

Nzambi uedile ni Monʼ ê muène ka mu fikixila, maji ua mu bhakuile mukonda dia etu-ene-oso! Nzambi se ua tu bhana Monʼ ê, u kamba kiebhi ku tu bhana mu ngoho, kumoxi ni muène, o ima ioso kiá?

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.