Jisálamu 34:8 - O Mikanda Ikola

⁸ Lolenu, mu mone kuma Jihova uene ni mbote; muthu ió u lunga uoso ua mu dielela muene.

Jisálamu 34:8 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Jisálamu 119:103

Maka mé nga a lola, o kutouala kuahi ngó! ene a beta kutouala, o uiki ndenge, mu kanu diami.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 36:10

Kolokota, Ngana, o kukuatela henda oso a di tuma ni eie; a tetulukile oso emana muẋima nzanza.

Jisálamu 36:7

O kulenduka kué, Ngana Nzambi, kuzediua kua nzungule! Anʼathu kiene ki ene mu lengela moxi a mabhabha mé!

Jisálamu 52:1

Ua kakela-hi ni ufe anga uia ni ku di thatha, u dizonda dia kimi? Maji o kulenduka kua Nzambi ku kué, ku nangenena.

Jisálamu 63:5

Muẋima uami u ikuta jinga kala ngadi xitu ianete ni uôngo; dikanu diami di ku ximana ni mizumbu ia ngalasa,

Jisálamu 84:12

Eie Jihova dia ilômbo, tata! Muthu ió u zediua, uoso ua ku dielela eie.

Mukumbi ua Mikumbi 2:3

Mukuá ni muxi ua masá mu kaẋi ka mixi ia ditutu, kiene ue kazola kami mu kaẋi ka minzangala ia mala; kizúzumbia kié ngi kinda kiavulu, mu kilembeketa kié muene mu ngi xikama; o kibundu kié mu kanu diami ku ngi toualela kuahi!

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Jelemiia 31:14

Anga ngà kʼekutisa muenhu ua jinganga ni ima ia nete, o mundu uami, mbote jami ja-nda kua kà a kuma muene, Jihova ua ki tange.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.