Jisálamu 34:4 - O Mikanda Ikola

⁴ Nga soto Jihova, iú uetaia; ua ngi kudila ku ima ioso i ngi kuatesa uoma.

Jisálamu 34:4 ပူးပေါင်းရင်းမြစ်များ

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 22:24

Kuma muene kene kutènda muthu, mba kuxikulula ngadiama mu uadiama uê; uatate ka xikina ku mu suekela pholo, nʼa mu bhane dikunda; maji kia dikola kua muene u mu ivua.

Jisálamu 31:22

Nga zuela ngó lusolo, kia ngi kuata hele, ngixi: Eme nga fu-ó, ku mesu mé nga-nda kubhua-ku! Maji kiene kimoxi, eie ua ngʼivu dízui kioso ki nga dikola ko kué.

Jisálamu 35:27

Embe-phe, a dikole ni ngalasa, a sanguluke, oso a ngi bande ku mulonga uami; a kale jinge mu kuila: Jihova a tane-ku, ua zolo selevende iê, iu ua mu bhana o kulúnga!

Jisálamu 40:17

Eme-phe, bhu ngalʼabha, ngi ngadiama, nga tâte; maji o Ngana-phe ua ngi bhake muẋima ni ku ngi sasa; eie ngó u mukuatekexi uami, u mubhuludi uami; kana kukokoloka Nzambi iami, tata, endelà-ku Ngana!

Jisálamu 46:2

Kienhiki, ki tu kala ni uoma, né-mbe oxi izamba, mba milundu iê i suetuka katé mu kaẋi ka musanza ua kalunga.

Jisálamu 56:3

Mu kithangana kioso-kioso-phe ki ngiza o uoma, ngi dielela ku lengela ko kué, u Sukè-ku.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Jona 2:2

uixi: Mu dilamba diami nga dikola kua Ngana, muene ua ngʼitaia; mu mala dia mukiukuluku nga dikola, eie ua ngi-vu dízui diami.

Matesu 7:7

Bhinga, nda a ku bhane; sota, nda u sange; ṗhuṗha, nda a ku jikuile.

Luka 11:9

Eme-phe ue ngi mi ambela: Bhingenu, nda a mi bhane. Sotenu, nda mu sange. Bundenu, nda a mi jikuile dibhitu.

II Timote 1:7

Kuma o Nzumbi ia Nzambi ka tu bhana muẋima ua kuteketa. Maji o Nzumbi ua tu izalesa ni undanda, ni henda, ni muẋima ua kusunga kilunji.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.