Jisálamu 34:3 - O Mikanda Ikola

³ Ngi bandienu, akuetu, mu jîngisa Jihova; tu kuatele kumoxi mu tumbula dijina diê.

Jisálamu 34:3 ပူးပေါင်းရင်းမြစ်များ

I Malunda 16:10

Te-nu o nzabala ienu mu dijina diê dikola; muẋima ua ió oso asota Nzambi usanguluke.

I Malunda 29:20

Bhenhobho Davidi uambela o kionge kioso, uixi: Kindala, Ximanenu Jihova Nzambi ienu. Bhenhobho o kionge kioso anga ki ximana Jihova Nza mbi ia jitata jâ, hé a bhetama, a fukama bhu pholo ia Jihova ni bhu pholo ia Sobha.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

Jisálamu 35:27

Embe-phe, a dikole ni ngalasa, a sanguluke, oso a ngi bande ku mulonga uami; a kale jinge mu kuila: Jihova a tane-ku, ua zolo selevende iê, iu ua mu bhana o kulúnga!

Jisálamu 40:16

Oso-phe ala ku ku kana eie a sanguluke, a kale jinge mu kutanena momué; oso a zola o kubhuluka ku tunda ko kué, a kale mu kuila jinga: Jihova ukôla.

Jisálamu 66:8

Tumbulenu Nzambi ietu, enu ifuẋi ioso, dízui di suine dia ku mu ximana.

Jisálamu 69:30

Hinu ngi ximana o dijina dia Nzambi ni kuimba, ngi mu jingisa muene ni kusakidila.

Jisálamu 69:33

Kuma Nzambi uívua o jiphulungu; ka tobhesa jihutile jala bhu mikolo.

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Luka 1:46

Kuala Madiia: Muẋima uami ua ximana Ngana,

Jipoxolo 19:17

Kienʼiki anga a kʼivua kuala athu oso a tungu mu Efezo, ni Jijudé, ni Jingeleku. Anga uôma u a kuata ene oso, o dijina dia Ngana Jezú hé di fumana.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!