Jisálamu 34:22 - O Mikanda Ikola

²² Jihova-phe u tambula konda ia muenhu ua jiselevende jê; kana muthu u sekala ua mu dielela muene.

Jisálamu 34:22 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

II Samuuele 4:9

Davidi anga u vutuila Lekabe ni Bahana phangʼiê, anʼa Dimone mukua Belote, uixi: Jihova a nangenene! Ua ngi kudila o muenhu uami mu jiphaxi, kuma kia ngi sangele muthu, uixi:

I Jisobha 1:29

Muenexi anga u loka, uixi: Kola-ku Jihova, ua ngi kudila o muenhu uami mu jiphaxi joso!

Jisálamu 103:4

u kula muenhu ué mu diela; hé u ku zuika kiadi ni henda kala kitundu.

Jisálamu 130:8

Muene u kula Izalaiele mu itondalu ni ikuma ié ioso.

Jisálamu 31:5

Nzumbi iami nga i bhakula bhu maku mé; Jihova, u Nzambi ia kidi, eie ua ngi kula.

Jisálamu 37:12

Mukua phulu u kanena ió mukua kidi; u mu kokotela muene ku mazu.

Jisálamu 37:15

Maji o xibhata iâ-phe, ia kà a bokona ku muẋima uâ-ene; o mata mâ ma mifula, ma kà bukujuka.

Jisálamu 71:23

Mizumbu iami i kala jinga ni huii mu ku ku imbila eie; katé ni muẋima moxi, u sanguluka jinga, kuma ngi muthu ué ua ngi kula.

Kuditenda 3:58

Eie Jihova, ua fundu o dimanda dia-nda ku ngi dia o muenhu, eie ua kula o muenhu uami.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.