Jisálamu 34:2 - O Mikanda Ikola

² Muẋima uami u ta thâthe iê mu dielela ki bhanga Jihova; oso abelesela kia kʼivua, a kala ni ngalasa.

Jisálamu 34:2 ပူးပေါင်းရင်းမြစ်များ

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jisálamu 105:3

Di fiiadienu o dijina diê dikola; muẋima uâ u tane, oso bhindamena kuijiia Jihova.

Jisálamu 119:74

Oso akua uoma ué, a sanguluka mu ku ngi mona mesu, mukonda ngi muthu nga dielela ku kizuelu kié.

Jisálamu 142:7

Ngi katule o muenhu uami mu kaleia, phala ngijiie kusakidila o dijina dié; athu aiuka a-ndu ngi bhongolokela; mukonda eie ua ngi bhange mbote.

Jisálamu 44:8

Thâthe ietu, Nzambi, muene tu mu tumbula kumbi dioso dia kambàmba; tu bhana jiphembèle mu dijina dié eie, izuua ioso sé dizubhilu. (Selah.)

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

I Kolindo 1:31

Kala kiki, uila kia ki soneka mu Mikanda Ikôla, exi: Uoso uandala ku di thatha, a di thathele mu ima ioso i bhanga Ngana.

II Kolindo 10:17

Kala kiambe o Mikanda Ikôla: Uoso uandala ku di ta nzabala a i tele mu kioso kia bhange Ngana.