Jisálamu 34:16 - O Mikanda Ikola

¹⁶ Pholo ia Jihova i luualela oso a bhanga phulu, phala ku a vuza mu ngongo, ka xale kijimbuete.

Jisálamu 34:16 ပူးပေါင်းရင်းမြစ်များ

Jobe 18:17

Mu ngongo ki mua kà kala dingi u mu xinganeka, o mu jinzunga dijina diê-muène ki dia kà kala-mu.

Jobe 36:7

Ku athu a iuka muene ka katula-ku o mesu mê; maji u a xikika kumoxi ni jisobha ku kiandu, hé u a zangeleka ku mivu ni mivu ki iene kúbhua.

Jisálamu 10:16

Jihova eie u muenexi, o ungana ué unangenena; matumbu a kambe kuijiia Nzambi ka kà kala mʼoxi ié.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 33:18

Diesu dia Jihova-phe di kala kua iá a mu kala ni uoma uê; ni kua iá a dielela o henda iê.

Jisálamu 94:9

Ua bhanga o dítui, kífua u kamba kuívua? Ió ua iudika o diesu, mbé u kamba kumona?

Jisabhu 10:7

Delembalelu dia muthu uaiuka di kala dibesá, maji o majina a isuéia-phe a kà di bhanga kala kima kia bolo.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Ndongixi 8:10

Nga mono ue akua phulu ku a funda mu jimbila ni kutululuka, anga bhu kala muene ni muthu uia bhu mbila jâ; maji o ió a bhanga jinga o jimbote mu mbonge, a tunda jinga bhu kididi kia kuiuka, ki bhuala ngó muthu ua a lembalala; kidi muene, imiʼii ue kingoho kiene.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 44:11

Kala kiki, Jihova dia Ifuẋi, Nzambi ia Izalaiele, uambe kiki: Talenu, pholo iami nga-nda ku i talesa kokuenu phala ku mi bhanga kiaiibha, Juda dioso nga-nda ku mu vuza.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Amoji 9:4

O ki aia ku ubhika ua uhutile ku mesu a jinguma jâ, kueneʼoko nga kà tendelela xibhata, ni i kala mu ku a jibha. Nga kà ta mesuʼami ku thandu diâ ni ku a kengelela mu ku a bhanga phulu, ki ku a bhanga mbote, kana!