Jisálamu 34:14 - O Mikanda Ikola

¹⁴ Ku phulu, tunde-ku, u bhange o mbote; sota o paze, ni ku i jijila.

Jisálamu 34:14 ပူးပေါင်းရင်းမြစ်များ

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 120:7

Eme ngala kuinda paze, kuma ngi muthu ua kutululuka; maji ki ngila-phe ngi sota ngó kuzuela, ene andala jimvunda ni ita.

Jisálamu 37:27

Ku ituxi tunde-ku, u bhange o mbote; u tunge kididi ni ku mululu ni ku mulaula.

Jisálamu 39:2

Nga dixibhʼami muene, ngi kala dibubu, ngedi muene hudí, sumbala nga dimbuluka moxi, o malamba a ngi kuata, anga aia dingi ni kuvula.

Jisabhu 13:14

Ulongelu ua muthu uejiia, u di bhanga fixi ia muenhu; mbé o kubhangesa muthu kuebha o mibhetu ia kalunga.

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Jisabhu 4:24

Ambula o kuzuela kua ibhengèle; o phekalu i tanga mizumbu, ehaiu.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Matesu 5:9

A zediua akua ku luulula, a buisa jimvunda, ene a exana anʼ a Nzambi.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Loma 12:18

Se mua ki tena, kalenu ku paze ni athu oso; mvunda ki i tunde ko kuenu.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

I Tesalonika 4:11

Kolokotenu ni kusota o kutululuka, mu suue imbamba ienu-enu ia mi tokala, mu kalakale ni maku, uila ki tua mi tendelela kiá.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

I Phetele 3:11

Ku phulu a tunde-ku, a bhange o mbote a sote o paze ni ku i kaiela.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.