Jisálamu 34:11 - O Mikanda Ikola

¹¹ Zenu anandenge, mu ngʼivue; eme ngi mi longe o uoma ua Jihova.

Jisálamu 34:11 ပူးပေါင်းရင်းမြစ်များ

Jobe 4:11

O hoji ia kuka i di fuila mukonda kana-ku mbole; ni tuana tua mama ia hoji tuia ngó ni kubungana.

Jisálamu 107:9

Kuma o muẋima ua dinhota, u u bhanga o jivondadi; o muẋima ua nzala, u u ikutisa ni ima iambote.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 112:3

Mʼonzo iê mu kala kubhanduluka, mu kala jimbongo; o kuiuka kuê kuemana kua di fikidila muene katé ku hádia.

Jisálamu 23:1

Jihova mubidi uami uala ku ngʼinga ki ngi bhindama ni kima kana.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 66:16

Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 22:6

Longa mona-ndenge mu njila ioso ia tokala o kuendela; katé kieza mu ku kuka, ka xikina ku i xisa, lémbue.

Jisabhu 4:1

Enu anʼami ivenu ulongelu ua tatʼenu, jikulenu mátui mu tambule kilunji.

Jisabhu 7:24

Kiki-phe, eie monʼami, ngi bhane mátui, maka ma tunda mu kanu diami bhaka-nâ ku muẋima.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Izaía 28:9

O kiki-phe unjimu a u longa nanhi? Kima kia dʼivisa kiá, kia tokala ku kʼijidisa dingi mukuahi? Ió uoso uasumuka kiá ku lete, inga uoso a mu thathumuna ku mele a mamʼâ?

Nzuá 13:33

Enu tuana tuami, ki nga-ndu kala dingi ni enu kithangana kiavulu. Enu mua-ndu ngi sota, maji kindala ngi mi tangela, kala-phe ki nga tangela kiá Jijudé, ngixi: Enu ki mu tena kuiza kuoso ku ngiia, kiene ue ku nga mi tangela enu.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.