Jisálamu 34:1 - O Mikanda Ikola

¹ Ngi benzela Jihova mu thembu joso; diximanu diê di kala jinga mu kanu diami.

Jisálamu 34:1 ပူးပေါင်းရင်းမြစ်များ

Dimatekenu 20:2

O Mbalahamu anga u tanga Sala muhatuʼê, uixi: Phange iami ia muhatu. Abimileke sobha ia Jelale anga u tuma kutakana Sala.

Dimatekenu 26:1

Mʼoxi anga muiza nzala, o nzala iejile mu izuua ia Mbalahamu iengi; mukonda dia kiki-phe, Izake uia kua Abimeleke, muenexi ua akua Fidíxa, bhu Jelale.

Jisálamu 71:6

Kokué kuene ku nga xamenena, tunde mu ku ngi vuala; eie ua ngi katula muʼvumu dia mamʼetu; ngi ku tumbula mu ku ku ximana jinga muene sé kufula.

Jisálamu 71:8

Dikanu diami dʼizale ni diximanu dié, ngi tumbula jinga o ujitu ué kumbi dioso dia kambamba.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Jipoxolo 16:25

Mu kaxi ka usuku-phe, Phaulu ni Sila a kala mu kusamba ni kuimbila Nzambi, o jipelezu ni akuâ ji kala mu kuividila.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

I Samuuele 21:11

Akua mbèle ia Akiji anga a mu ambela, exi: Davidiʼú, ki muene muenexi ko kuâ? Ki muene a mu te ku mukûmbi mu kuimba ni kukina, exi: Saúlo ua jibha jimidi Davidi-phe makuinhi a jimidi?