Jisálamu 33:4 - O Mikanda Ikola

⁴ Kuma kizuelu kia Jihova kia kufidila; kukalakala kuê kuoso kua ufiiele.

Jisálamu 33:4 ပူးပေါင်းရင်းမြစ်များ

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisabhu 30:5

Mbata o maka moso ma Nzambi, ma zela, ma kidi; mene o ngubu ixitila oso a mu dielela muene.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Mikeia 2:7

Kifua enu mua tokala ku mʼixana exi: Mu dibhata dia Jakobo, o Nzumbi ia Ngana, manhi ki muala naiu dingi? Manhi ima i muala kubhanga, iene ia fuama? Mbé ki kienhiki ki bhangesa kuila ió uoso uenda ni kuiuka maka mami ma mu bhanga mbote?

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Loma 7:12

O Kitumu-phe kia zele muene, o kijila ue kia zele, kia iuka, kia uabha.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.