Jisálamu 33:3 - O Mikanda Ikola

³ Mu tedienu mukumbi uê ua ubhe; xikenu uhete, mu tambuijile kiambote.

Jisálamu 33:3 ပူးပေါင်းရင်းမြစ်များ

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 15:22

Ni Kenaniia, o kilamba ku akua Levi, a mu tuika o kuimba, iu ua kexile mu ku a longa o kuimbila, kuma muene ua tongolokele kiambote mu kuijiia o kuimba.

I Malunda 25:7

O dialuilu diâ kiakiexile mu ku a alula kumoxi ni jiphange jâ, a dilongo kiambote mu kuimbila Jihova, atena jinga hama jiiadi ni makuinhi nake ni nake; ene oso jimesene muene ja kuimba.

II Malunda 34:12

Athu eneʼá anga a kalakala ni ufiiele uoso ku kikalakalu; o a kexile mu ku a tumina eneʼá: Johate ni Obadiia, o jilevita, a tokala ku anʼa Meladi, kumoxi ni Zakadiia ni Mezulane, a tokala ku anʼa Kohate, phala kulenguluisa o kikalakalu, kumoxi ni jilevita ja mukuá, athu ejidile kiavulu mu ima ia kuxikila o mimbu.

Jisálamu 144:9

Hinu ngi ku imbila o muimbu uobhe, eie Ngana, u Nzambi; ngi ku xikila o mújika ku mbànza ia kuinhi dia ngoji, mu ku ku ximana.

Jisálamu 149:1

Ximanenu Jihova, imbidienu Jihova o muimbu uobhe; mu ximanienu bhu kionge bhua bhongoloka athu ê angene.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Jisálamu 40:4

U lúnga o muthu ió u dielela kua Jihova, u fula kukaiela akua izala, ka di te ni iá a dianguka ni makutu.

Jisálamu 96:1

Imbilenu Jihova muimbu uobhe; imbilenu Jihova enu mu jixi joso.

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Efezo 5:19

Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.