Jisálamu 33:2 - O Mikanda Ikola

² Sakidilenu Jihova ni kuxika mbànza; mu imbidienu ni kakoxi ka kuinhi dia ngoji.

Jisálamu 33:2 ပူးပေါင်းရင်းမြစ်များ

II Samuuele 6:5

Ni Davidi-phe, ni dibhata dioso dia Izalaiele, a kala mu sanguluka ni ku xikila bhu pholo ia Jihova, o idifua ioso ia jimuzika ióiudike ni muxi ua mufaia, ni jimbànza ni tukoxi, ni jingoma, ni misaxi, ni jingonge.

I Malunda 15:16

Davidi anga uambela o ilamba ia akua Levi, kuila: Atungule phala a-te ku pholo o jiphange jâ, o jingimbidi akua kuimba, ni ima iâ ia kuxika jimujika, ni tukoxi, isàka, ni tumbanza, ni jingaieta, phala a xike mu kuzangumuna o dízui ni kusanguluka.

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

I Malunda 25:3

O kua Jedutunu, akexile ana a Jedutunu, enhá: Jedaliia, ni Nzedi, ni Jesaia, ni Hasabiia, ni Matitiia, ni Ximei, kisamanu, o Jedutunu phaiʻâ muene ua a kala ku pholo, phala kuxika kambanza, o muene kia kaia mu kuxika, u zambula mu upolofeta ni kuximana, ni kusakidila Jihova!

I Malunda 25:6

O ana ene oso enhá o jitata jâ muene, ene a a kexile jinge ku pholo ia ku a tumina phala kuimbila o mimbu mu inzo ia Jihova, ni kuxika tungoma, ni ísanji, tukoxi ni jimbânza, phala o ukunji ua inzo ia Ngana Nzambi. O Azafe ue, ni Jedutunu, ni Hemane, anga akala uâ mu ku a tumina kuala sobha.

Jisálamu 144:9

Hinu ngi ku imbila o muimbu uobhe, eie Ngana, u Nzambi; ngi ku xikila o mújika ku mbànza ia kuinhi dia ngoji, mu ku ku ximana.

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 71:22

Bhabha eme ue, ngi kuata ku ku ximana jinga ni kakoxi, mbebhu o kidi kié, u Nzambi iami; ngi ku imbila jinga o mimbu ni mbànza, u Muthu Ukôla, Uangene ua Izalaiele.

Jisálamu 92:3

Ku i xikila muene ku mujika ua kuinhi dia ngoji, ni ku kakoxi; ni dízui dia manuma ku mbànza.

Jisálamu 92:4

Kuma eie, u Jihova, ua ngi sanguluisa ni iakalakalu ié; ngimba kikoue mu kubanza kia iudika o maku mé.

Makatukilu 15:20

Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Dijingunuinu 14:2

Anga ngʼivua dízui ku diulu, kala dízui dia dibhubha dia dikota dia menha, mba kala dízui dia kinuminu kionéne kia nzaji. O dízui di ngevu diedi kala dia akua jimbànza ala kuxika o jimbànza jâ.

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.