Jisálamu 33:18 - O Mikanda Ikola

¹⁸ Diesu dia Jihova-phe di kala kua iá a mu kala ni uoma uê; ni kua iá a dielela o henda iê.

Jisálamu 33:18 ပူးပေါင်းရင်းမြစ်များ

I Jisobha 17:6

O ilombelombe hé i kala mu ku mu bhekela o mbolo ni xitu mu kimene, i mu bhekela ue o mholo ni xitu mu ngoloxi. Anga u kala mu mua mu kangiji, kala kia mu ambela.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Ejidala 8:22

Mukonda sonhi ja ngi kuatele, ja ku bhinga kua sobha, kifuxi kia masoladi ni ilolo i tu bhângela ku jinguma mu njila, mbata sobha tua muambelele, tuexi: Lukuaku lua Nzambi ietu luala ku thandu dia ió oso a mu sota muene, phala ku a bhanga mbote; maji o nguzu iê ni njinda iê, i lungulukila ku thandu dia ió oso a mu xia.

Jobe 36:7

Ku athu a iuka muene ka katula-ku o mesu mê; maji u a xikika kumoxi ni jisobha ku kiandu, hé u a zangeleka ku mivu ni mivu ki iene kúbhua.

Jisálamu 111:5

U bhana mbole ia kúdia kua ió a mu kala ni uoma; o kikutu kiê nuka ki mu jimba.

Jisálamu 13:5

Eme-phe nga dielela mu kulenduka kué; muẋima uami u sanguluka mu kuila eie ua ngi bhulula!

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 52:8

Eme bhabha-phe, ngi kula mukuâ ni muxi ua mudiva uauisu, ua buingita mʼonzo ia Nzambi; ngi dielela jinga mu kulenduka kua Nzambi, mu mivu ni mivu ki i moneka dizubhilu.

Jelemiia 37:21

Sobha Zedekiia anga u tendelela kuila Jelemiia a mu tule mu lumbu lua kilangidilu; hé aia ni ku mu bhana mbolo imoxi ku kizuua, ku nzunga ia akua kubhanga jimbolo, katé kiabhu mbolo joso mu mbonge; kienhiki Jelemiia anga u kala jinga mu lumbu lua kilangidilu.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Phetele 3:12

Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.