Jisálamu 33:16 - O Mikanda Ikola

¹⁶ Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 33:16 ပူးပေါင်းရင်းမြစ်များ

I Jisobha 20:10

Anga Bene-hadade u tuma ku mu ambela, uixi: Jinzambi ji ngi bhange kioso ki ja mesena, ni kia mukuá dingi kuma o fufuta ia Samádia ki ia-ndu soka phala kuizalesa o maku ma kifuẋi kioso kia mu ngi kaiela.

I Jisobha 20:15

Bhenhobho Akabe u tanga hanji makuenze a ilamba ia jisengu anga u mona kuila a tena hama jiiadi ni makuinhʼatatu ni kiiadi; anga ku dima diâ u tanga kiua o kifuẋi kioso kia ana oso a Izalaiele hé u mona kuila a tena sambuadi dia midi ia muthu.

II Malunda 13:8

O kiki hanji mua te muẋima ua kuhandamena kúlua ni utuminu ua Jihova, uala bhu maku ma anʼa Davidi; kiene muene, enu muala mu kifuẋi kia dikota, o tungombe tua ulu tua mi bhangela Jelobouamu, ni tu kale jinzambi jenu, muala na-tu.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

II Malunda 20:23

Mukonda anʼa Amone, ni anʼa Mouabhi a bilukila akua milundu ia Seíle phala ku a jikinisa ni ku a jimisa o mbutu; ene kia zubha o kujikinisa o akua milundu ia Seíle, a di kuatekesa dingi ene mudiâ o kudijikinisa.

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

Jobe 36:7

Ku athu a iuka muene ka katula-ku o mesu mê; maji u a xikika kumoxi ni jisobha ku kiandu, hé u a zangeleka ku mivu ni mivu ki iene kúbhua.

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Makatukilu 14:28

Kuma menha ma vutuka, makalu ma boba, ni asambedi a jikabalu, ni kilômbo kioso kia Falaó, ene oso a kaiela ni kukutuka mu kaẋi ka kalunga; né muthu ngó ka subhuka-ku.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Jelemiia 48:14

Mua-nda ku kiʼamba kiebhi, muexi: Tu mazonda, tu malʼa nguzu mu ita?

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Hozeia 10:13

Mua dimi phulu, enu mua bhongolola ituxi; ibundu i muá-di, ia tundu ku makutu; mbata mua dielela ku ima i mu funha mu ilunji ienu, ni ku ndumba ia makuenze a ita a mi vudila.

Amoji 2:14

Kienhiki-phe muthu hé uedi u bhebhuluka inama, kulenga kuê ki kuanda kutena ku mu kudila; o mukua nguzu, undanda uê ki ua kà mu bhana kima; dizonda ue ua kà tokoka ku bhângela muenhu uê.

Amoji 2:15

Uambata mufula ka di fike kuila uà kèmana; ua lenguluka inama ue ka kà tena ku di kudila phala nʼa bhulaka, mba ngó bhuòfele-fele uoso ua sambela ku kabalu kuila ua kà bhulula muenhu uê, lémbue!

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

Afundixi 7:2

Jihova anga u ambela Ngidiione, uixi: O mundu-ze u uala-nâ ua vuluʼé ngó, kuila eme ngi bhana akua Midiiana bhu lukuaku luâ. Sumba Izalaiele u ngi tela nzabala, kuila: Lukuaku luami eme-muène lua ngi bhulula.

Afundixi 7:4

Jihova anga u ambela dingi Ngidiione, uixi: Mundu hanji uavulu. A bheke ku menha, ngi ku tunguile-nâ kuenhoko. Mu kutula koko, oso ngi ku ambela, ngixi: Enhá ene uia-nâ, ene-phe muene aia; oso ngi ku ambela, ngixi: Enhá ka ii-ku, ene-phe a xala.

I Samuuele 17:4

Bhu kibangu kia akua Fidíxia anga bhu tunda dizonda, dijina diê Ngoliia mukua Ngate; muenhú o kitala kiê kóvado jisamanu ni phalumu imoxi.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.