Jisálamu 33:10 - O Mikanda Ikola

¹⁰ Jihova u fudisa o phangu ia akua jixi; kikutu kia athu mu ngongo u ki sukika.

Jisálamu 33:10 ပူးပေါင်းရင်းမြစ်များ

Dimatekenu 11:8

Ngana bheniʼobho anga u a muangena mu ngongo ioso, o mbonge anga a lémbua o ku i tunga.

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 15:34

O ki u vutuka-phe mu mbanza, ni kuila kua Abisalone, uixi: Eme ngi kala ngi selevende ié u muenexi, kala ki nga kexile ngi selevende ia tatʼenu mʼokulu; ua-ndu ngi kuatekesa-phe mu kunumununa o jiphangu joso ja Ahitofele.

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Jisobha 6:9

Maji-phe o muthu ua Nzambi u tuma kuambela sobha ia Izalaiele, uixi: Di lange! Ku bhite bhu kididi kia nganjʼokio! Mukonda akua Sídia a kulumuka kueneʼoko.

Nehemiia 4:9

Etu-phe tua sambela Nzambi ietu, anga tu bhaka athu mu ku a langidila, ni mʼusuku ni mu muanha.

Jisálamu 140:8

Isuéia, Ngana, kana kubhanga o vondadi iâ; fudisa ikutu iâ, ki iie ku pholo, phala ka di te nzabala. (Selah.)

Jisálamu 21:11

Kuma enhó a kanena ku ku bhanga phulu; a funhine ndunge ia ufe, maji a lémbua ku ki bhanga.

Jisálamu 9:15

Matumbu a dibhale mu diela dia kande ene; inama iâ iafu mu uanda ua telele akuʼâ.

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Izaía 19:3

Muenhu ua akua-Ijitu ua kà bhuamu moxi diâ; o ki ata phangu, eme ngi i sengulula; bhenhobho a-nda kuia kuibhula phangu ku mahamba mâ, ni ku imbanda, ni kutaha jingômbo, ni akuauanga.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Izekiiele 20:32

O kia mʼiza ku muẋima uenu, ki mungu kia-nda kubhita, ki mua mu kuila muexi: Tua mesena kukala mukuâ ni akua jixi jengi, kala o miji mu ngongo, a mu bhikila o miẋi ni matadi.

Malakiia 1:4

Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.