Jisálamu 31:7 - O Mikanda Ikola

⁷ Ngi sanguluka, ngi kala ni kutana mu kulenduka kué; kuma eie ua ngi xinganeka mu kubhindama kuami; eie ua ngʼijidila mu jiphaxi mu nga bhiti.

Jisálamu 31:7 ပူးပေါင်းရင်းမြစ်များ

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jobe 10:9

Nga ku diondo, xinganeka kuma eie ua ngi bhange kala mavu; kindalʼiki uandala kiá ku ngi kitula ngi fufuta?

Jobe 23:10

Maji muene-phe o njila iami ua ijiia; se muene ua ngi lolele, ngeje kutunda utadi ua ulu mukuá.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 119:153

Ngi tale ki nga bhondalala, u ngi bhandulule; kuma ngonge ié, iene i nga te o muẋima.

Jisálamu 13:5

Eme-phe nga dielela mu kulenduka kué; muẋima uami u sanguluka mu kuila eie ua ngi bhulula!

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 25:18

Xinganeka o kukenanana kuami, ni kubhondalala kuami, u ngi loloke o ituxi ioso ia ngi nemena.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Jisálamu 9:13

Ngi kuatele henda, Ngana Nzambi; tala, Ngana, kia ngi tatesa ió a ngi zembe; eie kiá ua ngi bhetula, hinu ngeju boloka kuʼalunga.

Jisálamu 90:14

Tu ikutise mu kimene ni kiadi kié; phala tu sanzuke, tu sanguluke jinge izuua ioso ia muenhu uetu.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Kuditenda 3:50

Ngi kuata kienhiki katé Jihova, ku diuluʼoko, kia ngʼivua hé u zongola kunu.

Kuditenda 5:1

Lembalala, Jihova, kia tu izʼiki! Tongolola hanji, utale o mondo ua tu tula!

I Kolindo 8:3

Maji muthu-phe se u zola Nzambi, ió a mu ijiia kuala muène.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.