Jisálamu 31:22 - O Mikanda Ikola

²² Nga zuela ngó lusolo, kia ngi kuata hele, ngixi: Eme nga fu-ó, ku mesu mé nga-nda kubhua-ku! Maji kiene kimoxi, eie ua ngʼivu dízui kioso ki nga dikola ko kué.

Jisálamu 31:22 ပူးပေါင်းရင်းမြစ်များ

Jobe 35:14

Né-mbe eie uila, uixi: Ki ngala ku mu mona, hanji-phe, mulonga ué uala bhu pholo iê muène; uila kiki, kinga kua muene.

Jisálamu 116:11

nga zuela-phe ngó lusolo, ngixi: Athu oso, mbé makutu!

Jisálamu 17:7

Idikiza jihenda jé ji diuanesa athu; eie u mukua ku a kudila ku iiala, oso a lengela bhu mbandu ié.

Jisálamu 31:17

Kana ku ngi kakula, Jihova, tata! mukonda nga dikola ko kué; a kakuke o isuéia ienʼoio, ele muene hudí mu mbila.

Jisálamu 6:9

Jihova ua ngʼivu kiá o kudionda kuami; Jihova ua xikina o musambu uami.

Jisálamu 66:20

Nzambi nga mu sakidila, ua kambe ku di tuna o musambu uami! A tane-ku! ua kambe ku ngi katula o kulenduka kuê.

Jisálamu 88:16

Túbhia tué tua njinda tua ngʼaula, kuma tua ngi bhiti ku thandu; o jikaxtiku jé nga bhuuama na-ju.

Izaía 49:14

Maji Ziione, uixi: Jihova ua ngʼehelela kiá, Ngana iami ua ngi landuka.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izekiiele 37:11

Bhenhobho-phe u ngʼambela, uixi: Eʼ monʼa diiala, o ifuba iii, uene o muiji uoso ua Izalaiele; kuma ene a mu kuila, exi: O ifuba ietu ia kukuta, o kudielela kuetu kua di boto; o etu ia a tu batula kiá.

Jona 2:4

Eme-phe ngʼambele kiá, ngixi: A ngi texi kiá ku mesu mé; manhi hanji nga kà mona dingi o Tembulu ié ikôla?

Luka 11:10

Mukonda uoso u bhinga, u tambula; o uoso u sota, u sanga; o uoso u bunda, a mu jikuila o dibhitu.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

I Samuuele 23:26

Anga ela: Saúlo u bhita ku bolo dimoxi dia mulundu, Davidi ni makuenze mê a bhita ku bolo diamukuá dia mulundu: Anga Davidi ni makuenze mê a di landameka ni kulenga Saúlo mukonda a fika kuila a-nda ku a kuata muene; kuma Saúlo ni makuenze mê a bhake Davidi ni makuenze mê mu kaxá, kua kambe ngó muene kofele phala ku a kuata kiá.

I Samuuele 25:32

Kienhókio Davidi anga u ambela Abingaile, uixi: Nga sakidila Jihova, Nzambi ia Izalaiele, ua ku tumu kizuua kia lelu ku ngi batuila.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.