Jisálamu 31:20 - O Mikanda Ikola

²⁰ Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 31:20 ပူးပေါင်းရင်းမြစ်များ

Jobe 5:21

Ku kibetu ki tunda bhu dimi, muene ua kà ku kondeka; ki kuà keza kibuika, eie ku kala ni uoma.

Jisálamu 10:2

Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 103:11

Mukonda kia di leka maúlu ku thandu dia xi, kiene kia soko jihenda jê ja kuatela ió oso a mu kala ni uoma.

Jisálamu 103:8

Jihova ua lenduka, mukua kisambu, u kokoloka o kutema, o jihenda jê ji vula.

Jisálamu 119:124

Selevende ié mu bhange kala ki tuma o kiadi kié, u ngi longe ioso i ua lekelela.

Jisálamu 124:5

mabhuku a izala eje ku tu bhitula, muenhu uetu hinu ua boba.

Jisálamu 140:3

Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 27:5

Kuma bhu kithangana kia jingongo, muene u ngi bhaka mu kitelembe kiê, u ngi sueka muene kididi kia kondama mu balaka iê; u ngi tudika ditala dialebha kuthandu a matadi.

Jisálamu 32:7

Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Jisálamu 36:11

Kuehele kinama kia akua izala ku ngi diata; mba lukuaku lua isuéia ku ngi landameka.

Jisálamu 36:6

o Kuiuka kué kua soko ni milundu ia makota; o kufundisa kué mukua ni musanza uazongo ua kalunga. Jihova, eie-muène u mukua kuinga o muthu ni kiama!

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisálamu 40:4

U lúnga o muthu ió u dielela kua Jihova, u fula kukaiela akua izala, ka di te ni iá a dianguka ni makutu.

Jisálamu 57:11

Zangalala, Ngana Nzambi, ku thandu dia maúlu; o fuma ié i tunde o fuma ioso mu ngongo.

Jisálamu 86:14

U Nzambi-phe, sai athu a di kaka a ngi balumukina, kibuka kia akua kusuína a ngi balukila, kuma a ngʼindi kúfua; athu eie ka ku bhake ngó ku mesu mâ.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

I Timote 6:4

muenhó ua nanuka ni ukumbu ua mu kuata, kejiia kima. Muthu u kala kiokio ua juuala ni jiphata ni jimvunda ja kuzuela. Ima kala iii i bhekela dixinga, ni kuzoka, ni kuxinga, ni kufika ima iaiibha,

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.