Jisálamu 31:19 - O Mikanda Ikola

¹⁹ Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 31:19 ပူးပေါင်းရင်းမြစ်များ

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Jisálamu 68:28

Tuma o nguzu ié, Ngana Nzambi, phala u tu bhângele dingi kala ki ua kalakala mʼokulu.

Jisálamu 73:1

Ni kidi kiene Nzambi u bhanga mbote kua Izalaiele, oso kiá a zele mu miẋima!

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 64:4

Mbata tundé mʼokulu kiluua a kʼivua, kiluua ki tetuluka mu mátui, kiluua mesu ue a mona Nzambi iengi, kalʼeie ngó, u Nzambi uene kukalakela uoso u kinga kua muene.

Dialuilu 23:23

Kua Jakobo uanga ki u tena-ku! Kua Izalaiele né a zambula, lémbue! Mu tumbula Jakobo ni Izalaiele, ela muene: Nzambi kukalakala kuahi!

Nzuá 3:21

Maji oso-phe a bhanga o kidi, eza ku mukengeji, phala o mukengeji uidikize ima iâ ia bhanga, kuma mu ku i bhanga a tumaka Nzambi.

Jipoxolo 15:12

Kieniokio Mundu uoso anga a dixibha, evidila Barnabé ni Phaulu a mu jimbulula o isumua ni madiuanau ia kalakala Nzambi ni ene mu ʼaxaxe ka matumbu.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

II Kolindo 5:5

Muène Nzambi ua tu iudika phala ku tu bilula kienhiki iú ua tu bhana-ku kiá o diẋîkina dia Nzumbi iê mu ima ioso ia-ndo tu bhana.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.