Jisálamu 31:18 - O Mikanda Ikola

¹⁸ A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 31:18 ပူးပေါင်းရင်းမြစ်များ

II Malunda 32:16

O abhikʼê a beta dingi kuondolola Jihova Nzambi ni kuondolola Ezekiia dia mubhikʼê.

Jisálamu 12:3

Jihova hinu u batula o mizumbu i bhomba kiki, ni dimi ue di zuela ni izala,

Jisálamu 120:2

Eie u Jihova, ngi kudile muenhu uami ku mizumbu i tanga makutu, ni dimi di zuela ima ia ufe.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 59:12

Mukonda dia kituxi kia dikanu diâ, ni maka ma mizumbu iâ, afue-phe mu uanda ua kubhuma kuâ; mukonda dia jindaka jâ ni makutu ene mu zuela.

Jisálamu 63:11

Maji o muenexi-phe, u kala mu tanena kua Nzambi; kuma oso a di tuma ni muene, a lúnga; o dikanu-phe dia iá a tanga makutu, hádia di bhinga a kà di xita muene.

Jisálamu 94:4

A di thatha, a zuela izala ioso; abhangi a mangonha enhoso, u sanga a di ta jinzambala jâ.

Jisabhu 12:19

Mizumbu ia kidi, itunga i soma; dimi-phe di tanga makutu, dinanga ngó kathangana.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Nzuá 8:48

Jijudé anga ji mu kumbulula, exi: Manhi ki tu ambe kidi kietu kuma eie u mukua-Samádia, uala ni dimonho?

Jipoxolo 25:7

Muène kia zubha o kuiza, Jijudé ja tundu mu Jeluzaleme ji mu bhaka bhu ʼaxaxe ni ku mu tatela ima iavulu iaiibha, maji iene ioso-phe ki i moneka umbangi.

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu