Jisálamu 31:15 - O Mikanda Ikola

¹⁵ Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 31:15 ပူးပေါင်းရင်းမြစ်များ

II Samuuele 7:12

O kia kà tenena izuua ié, ki ua kʼàia ku kilu ni a-tatʼenu, nga kà zangeleka o mbutu ié i ku bhingana ku dima, i tunda mu divumu dié muene, o utuminu uê ngi u kuatesa, u kola kiambote.

II Malunda 14:10

Bheneʼobho Aza ue anga u tunda mu kutakana-nê; anga ita a i kuatela mu dikôlo dia Zefata, bhua zukama ni Malesa.

Jobe 24:1

Phalaʼhi Muteni-a-Ioso ka xindi ithangana ia kufundisa? Mukonda diahi o ió a muʼijiia, izuuʼiii ka mu i mona?

Jisálamu 116:15

O Kúfua kua muthu uê ua mu solo, ku mesu a Jihova phelo ia nzaji.

Jisálamu 140:7

U Jihova, Ngana iami, Mubhuludi, eie-muène ua ngi vungina o mútue mu kizuua kia ita.

Jisálamu 142:6

Ngi suue, Ngana, o kudikola kuami, kuma nga tunuka kiavulu. Ngi kudile kua ió ala ku ngi zuididika, kuma ene, eme a ngi tundu mu nguzu.

Jisálamu 143:12

O mu kulenduka kué, enhó, o jinguma jami, a vuze muene nda a jime mbutu; buikisa, Ngana, oso a mu bhondeleka o muenhu uami, kuma eme ngi selevende ié.

Jisálamu 143:3

Kuma nguma ia zuididika o muenhu uami, ua ngi xinina muene bhoxi, kala ngi muthu ngʼàfua ukulu.

Jisálamu 143:9

Ngi kudile, u Jihova, ku jinguma jami, mukonda ko kué kuene ku ngi lengela mu ku di sueka.

Jisálamu 17:13

Balumuka, u Jihova, u mu kakule, u mu tolole; ngi tambule ni mukuale ué, kua ió ua kakela o muenhu uami.

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 91:2

ua kéla kuma: Jihova dilengelu, kimbaka; Nzambi iami, nga dielela kua muene.

Makatukilu 40:37

o dituta-phe se dia kambe kuzangumuka, ene uâ ka katuka, katé kizuua kia mona dia zangumuka.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Jelemiia 31:18

Nga kʼivu muene kiambote kuila Ifalaíme ua kexi mu ku di tenda, uixi: Eie ua ngi bhe jingongo, eme nga mono ngongo, mukuâ ni kamona ka ngombe kiluua hanji kʼejidila; ngi bilule mu kudiela, phala eme ngi diele, mukonda eiʼeie u Ngana dia Nzambi iami.

Luka 9:51

Anga ki bhita kuila, kizuua ki kia zukama, kia Jezú ku mu katula mu ngongo, ni kubanda kiá ku diulu, Jezú u dia nguidi ia kuia ku Jeluzaleme.

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Nzuá 7:30

Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:6

Jezú anga ua ambela, uixi: Kumbi diami kiluua di bhixila. Maji o kumbi dienu-phe ki di bhinga dingi ku di kinga. Mukonda enu kumbi dioso-dioso, dienu.

Jipoxolo 1:7

Kuala muène: Enu ka mi bhana-kiu, o kuijiia jithembu ni kizuua kia xindi Tata mu kutena kuê-muène.

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

II Timote 4:6

Kuma eme kithangana kia bhixila, nga kinga kiá ku ngi sata. Thembu iami ia kukatuka ia zukama, kumbi diami dieza-bhu dia kuxisa kiá o muenhu iú.

II Phetele 1:14

Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,