Jisálamu 31:13 - O Mikanda Ikola

¹³ Ku athu-athu ngʼivua kufueta kua mundu ala ku ngi longolola, ngiia ni kusasumuka ku mbandu joso ni uoma; kuma enhoso ala ku ngi kanena eme, a te kikutu kia ku ngi katula o muenhu.

Jisálamu 31:13 ပူးပေါင်းရင်းမြစ်များ

Dimatekenu 40:23

Kopelu ia dikota-phe, Zuze, ka mu te dingi muxima, inda ua mu jimbíê kiá muene.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 55:10

Usuku ni muanha ala kunhunga-nhunga ku thandu dia kimbaka; dibhata dia tungu kiavulu ungulungumba ni ituxi;

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Jelemiia 6:25

Ki mu di tele ku mukáu, mba muendela mu njila; kuma o nguma uala ni xibhata, o ku jimbandu joso kuala uoma.

Kuditenda 2:22

Eie ua bhiti ku mbandu joso ni ku kolomona ima ioso i ngi kuatesa uoma, kala bhu kizuua kiene kubhongolola mundu ku fesa. Mu kienhiki, bhu kizuua kia bhixila o njinda ia Jihova, né ngó muthu ka bhuluka-bhu, mba usubhuka, lémbue. Athu oso u nga sase, eme nga a dikila, nguma iami-phe ua a jimisa o mbutu.

Matesu 26:59

Kiki jinganga ja makota, ni ene oso kiá bhu kionge, a sota umbangi ua makutu ua kuêlesa Jezú ni a mu jibhe,

Matesu 27:1

Kukia ni kimene, jinganga ja makota joso ni adiakimi a Jijudé a bhongoloka mu tetulula kioso kia jibha Jezú.

Luka 23:5

Ene-phe a jiza dingi kiavulu, exi: Muène uala ku balukisa mundu mu Judeia ioso. Uandekela tunde ku Ngalileia, o kiki iú kunu.

I Samuuele 20:33

Saúlo anga u mu zengela sosa iê phala ku mu toma na-iu; Jonata anga u xala ni ku kʼijiia kuma tatʼâ ua bhindamena muene kujibha Davidi.

I Samuuele 24:9

Davidi anga u kuata kuambela Saúlo, uixi: Phala-hi, ngana, u ivua jimbuémbue ja athu, a kuambela, exi: Davidi ua-lu sota ku ku bhanga phulu?