Jisálamu 31:11 - O Mikanda Ikola

¹¹ Enhó a ngi zembe, a ngi mono kusekala; akua bhata ala ku ngi ta môndo; katé ni makamba mami a ngi kuata uoma, kia ngi mona mu nzunga, a ngi lenga.

Jisálamu 31:11 ပူးပေါင်းရင်းမြစ်များ

Jisálamu 22:6

Eme-phe ngi kabamba ngó, ki ngi muthu, kana, a ngi tobhesa kuala athu, a ngi tènde kuala o mundu.

Jisálamu 38:11

O makamba mami ni jinzukame jami, a ngi sondoloka mukonda dia uhaxi u ngala na-u; o jindandu jami jemanena kiá mu kanga.

Jisálamu 64:8

Hinu-phe u a mona kia di bhukana, kuma o dimi diâ ene dia kà a bheka mu kusekala; oso a kà ki mona ni mesu, a kà lenga.

Jisálamu 88:18

Ki ngʼene thumba, ki ngʼene samba; ndandu ni kamba a ngi muangana, kamba diami kífua o usuku.

Jisálamu 88:8

Jingijiue jami ua a sondolokesa dikanga; ua ngi bhange kukala ngi musúnda, athu a ngi lenga; a ngi jikila-ku, ki ngi tena kutunda.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Mikeia 7:6

Mukonda o mona ua diiala u nongena tatʼâ, o mona ua muhatu u balukila mamʼâ, o mbalakaji u zoka ni ukoue ua muhatu, anga o jinguma ja muthu a kala ene-muène a tokala mu dibhata diê.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Matesu 26:74

Muène anga u kuata kuxinga ni kulôka, uixi: Nzambi a ngi bhane kaxtiku, se o diiala dienhidi eme nga mu ijiia ngó! Kindala kienhókio dikolombolo anga di kokola.

Marku 14:50

Anga maxibulu a mu xa, ene oso, a lengʼâ.

Loma 15:3

Mukonda ni Kristu muène ka di uabhelele ngó muène. Maji kala kia ki soneka mu Mikanda Ikôla, exi: O malebhu ma ió a ku lebhula eie, ma ngi tula ku thandu diami.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!

Jihebeleu 11:36

Amukuâ a bhita ku polova ia ku a bhanga ufusa, ni ku a bhesa jixikote, o amukuâ a a ta ku malubhambu ni ku a jikila mu ʼaleia.

Jihebeleu 13:13

Uila kiki-phe, tu tundienu mu kilombo, tu kane Jezú muène, ku kangʼoko, ni kuambata o dilebhu diê.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.